Directa hedabideko Bertran Cazorla kazetari kataluniarra atxilotu zuten igandean Esquadrako Mossoek Bartzelonan, etorkin baten atxiloketa bategatik interesatu zenean.
Kazetariaren abokatuaren esanetan, Cazorla eta bere lagun bat identifikatu zituzten mossoei egiten ari ziren atxiloketa neurrigabekoa zela esan ostean. Gertakaria Nou de La Rambla kalean dagoen komisaldegiaren alboan gertatu zen, Raval auzoan. "Guk gure herritar konpromisoa bete genuen", esan du Bertran Cazorlak libre geratu ostean.
Behin komisaldegian, poliziei beraien identifikazioa eskatu ondoren, hauek jazarri eta jo egin zutela gehitu du.
Mossoen bertsioaren arabera, kazetariak berak behartu zuen atxiloketa. Polizia bere inguruan zeuden pertsonak identifikatzen ari zela ikusi zuenean, agenteei bultzaka oihuka eta irainka hasi zela diote Mossoek.
Behin komisaldegian, "tirabira bat" gertatu zen polizia autonomikoaren arabera eta horren ondorioz kazetaria Pere Campseko osasun zentrora eraman zuten zauri txikiak tratatzeko. Ondoren Les Cortseko komisaldegira eraman zuten. Autoritatearen aurkako delitua leporatzen zaio.
Kazetaria epaiketaren zain dago orain, baina esan du polizien eskuetan sufritutako erasoen aurkako salaketa jarriko duela.
Bestalde, Les Cortseko komisaldegiaren aurrean kontzetratu dira atxilotuen senide eta lagunak, tartean aurkitzen ziren, PSCko Ferran Pdret diputatua, EUiAko David Companyon eta CUPeko David Fernandez.
Bertran Cazorla gai sozialak jarraitzen dituen kazetaria da, eta besteak beste, berea da komisaldegietan hildako pertsonei buruzko erreportajea.
Bartzelonako 15M mugimenduak bideoa egin du Cazorlaren kasua azalduz.
Twitterren Cazorlaren atxiloketak haserrea eragin du eta #BertranLlibertat etiketa erabili dute erabiltzaileek babesa adierazteko. Behean etiketa hori daukaten mezuak ikusgai.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.