Berriozarko trafiko seinaleak, behingoz euskaraz, AETri esker
Berriozar eta Iruñea arteko biribilgunean, kartel gehienak gaztelania hutsean zeuden. Administrazioan Euskaraz Taldeak Nafarroako Gobernuari eskatu zion ele bitan jar zitzala, eta hala jarri ditu. Gainera, goian euskara jarri du eta behean gaztelania, ele bitan jartzen denean Euskararen Dekretuak agintzen duen moduan.
Duela gutxi arte, Berriozarren eta Iruñearen arteko biribilgunean, kartel gehienak gaztelania hutsean zeuden. Administrazioan Euskaraz Taldeak Nafarroako Gobernuari egindako eskari bati esker, iritsi da aldaketa. Eta Euskararen Dekretuak agintzen duen moduan ("baina ia betetzen ez dena") egin dute. Euskarari lehentasuna eman diote.
"Nolanahi ere, oroitarazi zigun ez dagoela legez behartua ele bitan jartzera. Hala da: Juan José Lizarbe eta Roberto Jiménez PSOEko kideek errekurtso bat jarri zuten Euskarari buruzko 103/2017 Foru Dekretuaren kontra, UGT sindikatua ordezkatuz" eta errepide sareko bide-seinaleak bi hizkuntzetan jartzeko artikulua baliogabetzea lortu zuten.
"Iduri du azkenaldian PSOE ohartu dela hizkuntza dibertsitatea gauza ona dela, eta, espainierak gain, beste hizkuntzek ere badutela balioa, eta zaindu behar direla. Hortaz, PSOE animatzen dugu, baita haren hurbileko UGT sindikatua ere, euskararen kontra egin izan dituzten gauza guztietan atzera egin dezaten, eta Nafarroako errepideetako seinaleetan euskara ager dezaten, legez. PSOE gobernuan mantentzen duten alderdiei ere eskatzen diegu anima dezatela horretara", dio AETk.
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.