ARGIA.eus

2020ko ekainaren 03a

Berri Txarrak taldeak "etenaldi mugagabea" iragarri du

  • "Berri Txarrakekin ziklo ahaztezin bat ixteko garaia heldu dela sentitzen dut" idatzi du Gorka Urbizu taldeko abeslariak Berri Txarraken webgunean argitaratu den komunikatuan.

ARGIA @argia
2018ko abenduaren 12a
Berri Txarrak taldea 2017ko argazki batean.

"Hogeitaka urtetan atsedenik hartu gabe aritu ondoren, egunetik egunera nekezagoa zait higadura emozional eta fisiko honi aurre egitea. Oraintxe bertan gure erritmoak ez doaz parean eta ez gaude %100ean jarraitzeko moduan", jarraitzen du agiriak. "Geratzeko beharra daukat, distantzia hartzekoa. Horren konplikatua eta sinplea da".

Asteazken eguerdian publiko egin den testuan Urbizuk esplikatzen duenez, musika eta sormena ulertzeko modu asko dago, "baina momentu batetik aurrera ezbaidan jarri beahr da ia dena. Erabaki beharra dago beti atezuan dagoen inertziarekin ze harreman mota eduki nahi duzun. Aroak ixten asmatu eta berriak abiatzen saiatu. Bestela esanda: ikasten segi".

2019ko biraren ondoren etorriko da etenaldia

2019an prestatu duten bira luzearen ondoren taldeak "etenaldi mugagabea" egitea erabaki dute eta hala jakinarazi die zaleei. Ikusi Arte Tour 2019 biraren inguruko xehetasunak datozen egunetan emango dituztela ere iragarri dute. 

Bederatzi disko, dokumental bat eta single bilduma bat argitaratu ditu Berri Txarrak taldeak duela 25 urte martxan jarri zenetik. 100 abesti baino gehiago eta mundu osoan barrena jo dituzten mila kontzertu baino gehiago.

"Gu bagoaz, baina gugan betirako iraungo du akorde bakoitzean txertatu genuen leitmotiv horrek: JAIO.MUSIKA.HIL. Hori, berrizaleok, ezingo digu inortxok ere kendu. Estutu bana", esaldiarekin bukatu du komunikatua Urbizuk taldearen izenean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Berri Txarrak

Berri Txarrak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude