Ilara luzeak sortu ziren astearte arratsaldean Berri Txarrak-en kontzertuetarako sarrerak eskuratzeko.
Azken kontzertuetarako sarrerak eskuratzeko sarea kolapsatu zuten Berri Txarrak taldeko jarraitzaileek duela hilabete. Gaur ilara luzeak sortu dira atzo iragarri zituzten hurrengo kontzertuetarako sarrerak eskuratzeko. Tokian tokiko txarteldegietan izan da soilik sarrerak eskuratzeko aukera, eta goizean goizetik gerturatu da jendea saltokietara. 17:00etan hasi dira salmentarekin. Ordu eta erdian agortu dira.
Oraingoan herrietako frontoiak, gaztetxeak eta plazak bete nahi dituzte. Euskal Herriko hainbat herritan ariko dira otsaila eta martxoan.
Ordu eta erdian dena agortuta!!
🤯🤯🤯
GERNIKA - Sold Out
BILBO (x2) - Sold Out
AZPEITIA - Sold Out
LEKUNBERRI - Sold Out
IBARRA - Sold Out
DURANGO (x2) - Sold Out
ONDARROA - Sold Out
GASTEIZ - Sold Out
ALTSASU - Sold Out
HAZPARNE - Sold Out
🙌🙌🙌
🙏🏻🙏🏻🙏🏻
👊👊👊
#beude pic.twitter.com/OLEC420230
— Berri Txarrak (@berritxarrak) February 5, 2019
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Film dokumentalak maite ditu egile iruindarrak. Bere lehen filmetan gazte askok bizi duten prekarietate amaigabeaz eta gentrifikazioaz mintzatu ondoren, orain musikak sorrarazten digun dardarizoaz ari zaigu Berri Txarrak eta bere zaleen inguruko Dardara dokumentalean.
Lekunberriko gaztetxean lehen kontzertua ematetik, Nafarroa Arenan asteburuan 24.000 lagun inguru biltzera pasatu dira. Mende laurden igaro da tartean, hamar disko kaleratu eta kasik 1.100 kontzertu eman dituzte bitarte horretan. Milagarrena munduaren beste puntan gainera,... [+]
Irri bihurri batek aterarazi ditu eszenatokira. Ez show txundigarririk, ez bat-bateko irteerarik. Lasai atera dira Larragako La Laguna elkartea goraino bete duten jarraitzaileen aurrera, entsegu lokalean egongo balira bezala. Mikroak mugitu, kableak baztertu, parez pare begira... [+]
Euskal Herriko zenbait gaztetxe eta areto txikitan joko du Berri Txarrak taldeak urrian. Orain arte iragarri gabe zeuden kontzertu hauek taldeak agur esateko biraren parte dira.