"Itzultzeko aukera irekita uzten dugu"

  • Berri Txarrak taldeak prentsaurrekoa eman du Lekunberrin, iaz iragarritako etenaldi mugagabearen inguruko azalpenak emateko.

Berri Txarrak taldeak prentsaren aurrean azaldu du abenduan hartutako erabakia (argazkia: Euskalerria Irratia).

2019ko otsailaren 14an - 11:40

Galdera asko utzi zituen irekita Berri Txarrak taldeak joan den abenduaren 12an “etenaldi mugagabea” iragarri zuenetik. Asko izan dira geroztik taldearekin elkarrizketak lotzen saiatu diren hedabideak eta jakin-min horri erantzunez, prentsaren aurrean agertu dira ostegun honetan.

Gorka Urbizu taldeko abeslariak azaldu duenez, bera izan da etenaldiaren erabakia hartu duena, taldekideekin hitz egin ondoren. “Jotzeaz ez naiz aspertu, baina ez dut nire burua indartsu ikusten taldearen hurrengo urrats artistikoa pentsatu eta sortzeko”, adierazi du, Badok atariak jaso duenez.

Etenaldiaren beste arrazoia “bulkada artistikoa” da Urbizuren esanetan: “Sortzaile bezala hazteko alde batera utzi behar dut nire bizitzako taldea”.

Erabakia ez duela bat-batean hartu ere esplikatu du Urbizuk. Azken urteetan mahai gainean egon den aukera izan da, baina Zeelanda Berrian jo zuten milagarren kontzertua “mugarri” izan zela azaldu du.

Zaleen esperantza piztu dezakeen esaldi bat ere erantsi du: “Itzultzeko atea irekita uzten dugu”. Horregatik deitu diote “etenaldi mugagabea” eta ez amaiera.

Hiru zatitan banatutako bira

Hala ere, taldeak ez du nahi 2019an egingo duen Ikusi Arte Tour bira “beilategi” bat bihurtzea, 25 urtean egindako ibilbidearen ospakizuna baizik. Hiru zatitan banatuko dute amaierako bira: Espainiako Estatuko jaialdietan joko dituzten kontzertuak; "Beude" biraren barruan Euskal Herrian joko dituztenak –Navarra Arenako amaierakoak izan ezik– eta atzerrian egingo dituztenak.

Gainera, Galder Izagirre bateria-jotzaileak azaldu duenez, biraren helburua da Berri Txarraken zale bakar bat ez geratzea taldea ikusi gabe. Horregatik, oraindik iragarri ez duten beste kontzertu bat ere izango da 2019an, horren inguruko xehetasun gehiago eman ez duen arren.


Kanal honetatik interesatuko zaizu: Berri Txarrak
2021-03-14
Marina Lameiro. Dardara irudietan harrapatzen du
"Musika dardara da eta bibrazio horrek beste dardara bat eragiten du jendearengan"

Film dokumentalak maite ditu egile iruindarrak. Bere lehen filmetan gazte askok bizi duten prekarietate amaigabeaz eta gentrifikazioaz mintzatu ondoren, orain musikak sorrarazten digun dardarizoaz ari zaigu Berri Txarrak eta bere zaleen inguruko Dardara dokumentalean.


Luzerako geratuko den orbaina

Lekunberriko gaztetxean lehen kontzertua ematetik, Nafarroa Arenan asteburuan 24.000 lagun inguru biltzera pasatu dira. Mende laurden igaro da tartean, hamar disko kaleratu eta kasik 1.100 kontzertu eman dituzte bitarte horretan. Milagarrena munduaren beste puntan gainera,... [+]


Berri Txarraken Beude birako azken konzertua
Orbain formako irribarrez

Irri bihurri batek aterarazi ditu eszenatokira. Ez show txundigarririk, ez bat-bateko irteerarik. Lasai atera dira Larragako La Laguna elkartea goraino bete duten jarraitzaileen aurrera, entsegu lokalean egongo balira bezala. Mikroak mugitu, kableak baztertu, parez pare begira... [+]


Berri Txarrakek kontzertu sorta berria iragarri du urrian

Euskal Herriko zenbait gaztetxe eta areto txikitan joko du Berri Txarrak taldeak urrian. Orain arte iragarri gabe zeuden kontzertu hauek taldeak agur esateko biraren parte dira.


Eguneraketa berriak daude