"Beraiek baldin badira erabakia hartzen duten horiek, zer gutxiago, hona etortzea eta egoera ikustea"

  • Irungo Harrera Saretik ohartarazi digute gaur, Lakaxita gaztetxea migratzaileentzako elkartasunezko harrera gune izatetik, larrialdizko errefuxatu gune bilakatzeko arriskuan dagoela.

Artikulu hau CC BY-SA 4.0 lizentziari esker ekarri dugu.

2018ko irailaren 25an - 09:20
Migratzaileak Lakaxitan (Argazkia: antxetamedia.eus)

Egoerak okerrera egiten du egunetik egunera, eta migratzaileak pilatzen hasiak dira, erakunde publikoetako harrera gune ofizialetako baldintza zorrotzek eragina, migratzaileen kopurua emendatzen doalarik etengabe. Eta bitartean, Udala zer? Ba lehengo lepotik burua.

Goiz hontan, Jose Antonio Santano alkateak aitortu digu, ez duela Lakaxitan gertatzen denaren berri. Harrera gune ofizialetako datuak baino ez dituelako manejatzen. Eta egoera bere begiekin ikus dezan, Lakaxitara hurbiltzeko gonbidapena luzatu diogularik, prest agertu da hipotetikoki, baina airean utzi du, bertaratuko den ala ez. Leka-Enea zein Martindozeneako guneetara bertatik-bertara hurbildu izan den bezala, baina airean utzi du Lakaxitara bisita. Aldi berean, aitortu baitu, migratzaile horiei laguntza eskaintzea ez dela Udalaren ardurapekoa. Harrera gune eta baliabide ofizialetaz baino ez dela jabetzen beraz.

Udaletxetik inor ere ez da Lakaxitara hurbildu

Momentuz, halere, udaletxetik inor ere ez da Lakaxitara hurbildu, ez uda hasieran, ezta orain ere, egoera kritiko bilakatzen ari dela. Oroitarazi beharra dago, bien bitartean, Martindozeneako aterpetxeko gunean onartzen ez dituztelako. 3 eguneko gehienezko epea dutela han egoteko, eta hortik aurrera kalean geratzen direla. Eta Espaianiako Estatuak baldintzak zorroztu dituelako. Izan ere, Espainiako Estatuan 30 egun baino gehiago daramatzaten migratzaileek ere, ez dute Martindozenea erabiltzeko eskubiderik.Hau ikusita, Lakaxita gaztetxera hurbildu gara, eta Gizarte Ongizate arloko Sergio Corchon zinegotzia, ezta udal teknikari bat ere, ez dela bertatik pasa esan digute, egoeraren berri euren begiekin jasotzeko.

 

Albiste hau Antxeta Media-k argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Inor ez da ilegala
Bost urte inor ez da ilegala aldarrikatzen

Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]


2023-07-13 | Ilargi Manzanares
Texasen “harresi flotagarri” bat eraikitzen ari dira, migratzaileei bidea oztopatzeko

Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.


2023-07-07 | Ilargi Manzanares
Irun eta Hendaia arteko mugaren “antzerki lotsagarria” salatu dute

Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.


2023-07-05 | Ilargi Manzanares
Irun eta Hendaiaren arteko muga irekitzeko elkarretaratzera deitu dute, migratzaileen eskubideen alde

Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.


Hör Berlin eta legalitate kontu batzuk

Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.


Eguneraketa berriak daude