Belartzan berriz ere materiala pilatzen ari direla salatu du Naturkon elkarteak
Lau hilabeteko geldialdiaren ondoren, poligonoa eraikitzeko asmoa dagoen tokian berriz ere harrobiko materiala pilatzen ari dira. Ekologistek Donostiako Udala “irregulartasun askoren konplize” bihurtu dela diote eta Arartekoarengana joko dute.
Gipuzkoako hainbat natur elkarte eta talde ekologista biltzen dituen Naturkonek jadanik abisua pasa dio Donostiako Udaltzaingoari: Belartzan hondeamakinak berriz hasi dira harrobi bateko materiala pilatzen, inguruan dagoen errekari eta landareriari kalte eginez, Udalak onartu zuen arren obrek ez zituztela baldintza legalak betetzen.
Uda aurretik birritan salatua izan zen Mercadona saltokia eta poligono bat eraikitzeko proiektuaren ilegaltasuna: ingurumenaren inpaktua neurtzeko azterketarik ez zuelako pasa, buletin ofizialean esleitu gabe zegoelako eta URA agentziak baimendu izateko eskatzen dituen baldintzak ez zituelako betetzen. Ondorioz 6.000 eurorekin zigortu zuen Udalak eta lanak geldiarazi zituen behin behinean.
Hainbat hilabete igaro ostean berriz ere martxan dira obrak eta materialaren garraioa. Naturkonek azaldu du Fiskaltzaren aurrean salatuko dutela afera eta Arartekoarengana ere joko dutela: “Sekulako ezintasuna sentitzen dugu. Udalak legea betetzen ari den bermatu eta ingurune naturalaren kontserbazioaren aldeko defendatzaile izan behar luke. Tamalez, irregulartasun horien laguntzaile bilakatu da”.
120.000 metro kubikoko betelana eginda dago bertan 2016tik. Talde ekologistek ez zela legezkoa salatu zuten eta gaia auzitegietara eraman zuten. Auzitegiek arrazoia eman zieten talde ekologistei, baina legez kanpoko ekimena egin zuten enpresek ez dute kasurik egin.
Diruak dirua nola, honakinek hondakinak hala erakartzen omen dituzte. Hori ari da gertatzen Belartza Goikoan. Izan ere, bertan legez kanpoko betelana egin zuten, Mercadona eta McDonald’s eraiki zituztenean, eta orain betelan horretan bestelako zaborrak ere botatzen hasi... [+]
"Donostia Defendatuz izenarekin, hiriaren defentsan kezka bertsuak partekatzen ditugun zenbait talde eta herri-mugimenduk hirigintza garbi, partehartzaile eta jasangarri baten aldeko koordinadora ez-alderdikoi bat sortzea erabaki dugu". Hala aurkeztu dute beren burua... [+]
Belartza Harrobian egiten ari diren irregulartasunak salatzeko mobilizazioa antolatu dute Añorgan azaroaren 27rako. Añorgatik Donostiako udaletxerako bidea egingo dute.