Belartzako obrak ilegalak direla onartu eta gelditu egin ditu Donostiako Udalak

  • Belartza industrialdean, “Añ-13.2 Cantera” delakoan, obrak gelditzeko agindua eman zieten asteazken arratsaldean langileei, Donostiako Udalak eskatuta. Mercadona berria bertan eraikitzeko asmoa dago. Naturkon Gipuzkoako Ekologista taldeen elkarteak hilabeteak daramatza irregulartasunak salatzen.

Sara Arruabarrena Azkarate @s8ara
2016ko ekainaren 02a
Belartza harrobiko obrak (Arg.: Belartza-2 gelditu)

Donostiako Udaleko hirigintza zinegotzia den Enrique Ramosek onartu du “Belartza 2” industrialdean martxan dauden obrak ilegalak direla. Orain arte jasotako salaketak gezurtatzea leporatu diote talde ekologistek.

Aste bete da Naturkonek obrek Lurzoruaren Legea “urratzen zutela” esan zuenetik.  Ramosek orain bere hitzak zuzendu ditu eta gaur arte egindako obrak “prestatze lanak” ez direla onartu du, ez baitzeuden esleituta.  

Gauzak horrela, ez da lanik egingo momentuz behintzat, obrak esleitu arte –maiatzaren 26an atera ziren lehiaketara–. Lehenengo salaketatik bi hilabete igaro dira eta aste batzuk atzera ere irregulartasunak salatu zituzten hainbat eragile ekologistak.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Belartza  |  Azpiegitura handiak  |  Donostia

Belartza kanaletik interesatuko zaizu...
Azkenak
EGILEA
Eguneraketa berriak daude