Beheranzko joera finkatu arte neurriei eustea erabaki du LABIk

  • Gaur goizean elkartu da berriz ere LABIren Batzorde Zientifiko-Teknikoa, eta indarrean dauden neurriak beste astebetez mantentzea erabaki du.


2021eko abuztuaren 18an - 11:31
Azken eguneraketa: 13:39
Argazkia: Irekia

Abuztuaren hasiertik metatutako intzidentziaren bilakaera beheranzkoa izaten ari  dela adierazi du Gotzone Sagardui Osasun sailburuak, baina hori horrela izanda ere hobekuntza ez dela oraindik nahikoa nabaritzen osasun-sistemaren asistentzia-presioan. Beraz, beheranzko joera eremu guztietan nabaritu arte indarrean dauden neurriak beste astebetez mantentzea "zuhurra" dela adierazi du LABIren Batzordeak.

Hauek dira indarrean dauden neurriak, laburrean:

- Maskara erabiltzea derrigorrezkoa da transitoa duten hiriguneetan.

- Jarduera ekonomikoak dituzten establezimenduak 01:00etatan itxi behar dira.

- Barne aforoak % 35era mugatuta daude kultur, gizarte eta bestelako esparruetan.

Sagarduik emandako datuen arabera, gaur egun 256 pertsona daude COVID-19a dela-eta ospitaleratuta, horietako 75 ZIUn. Txertaketari dagokionez, EAEko 12 urtetik gorako biztanleen % 82,4k gutxienez dosi bat jaso dute, eta % 73,9k osatu du pauta osoa. Sagarduik kutxatu zirenetik bi hilabete baino gehiago igaro diren 65 urtetik beherako pertsonei eta 12-39 urte bitarteko biztanleei txertatzeko deia egin die.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude