[Behe Bidasoa] Gipuzkoako eskualde gaztigatuenean "ke asko saldu da"

  • Gipuzkoako langabezia tasarik handiena duen eskualdea da (Irun eta Hondarribia hartzen dituen) Behe Bidasoa: %17,88koa izan da apirilean, 6.547 langabe guztira. Bereizita, hondarribiarren %13,1 dago langabezian eta irundarren %19,3 (Gipuzkoan, Soraluzek bakarrik du Irunek baino langabezia tasa handiagoa: %20,6).


2013ko maiatzaren 30an - 00:00
Azken eguneraketa: 2014-03-25 09:12:03
Goizeko manifestazioa, Gipuzkoa hiribidean barna. (Argazkia: Mikel Garcia)

Ingurumaria horretan, bizilagun ugarik egin du bat gaurko greba deialdiarekin. Mugimendu gutxi ikusi dugu industrialde nagusietan, jarraipen esanguratsua izan baitu lanuzteak Bidasoako enpresetan. Industrian, enpresa-batzordedun lantegi handi guztietan greba egin dela azaldu dute sindikatuek. Denda eta saltokietan, eskasagoa izan da jarraipena, baina establezimendu dezente ikusi ditugu itxita Irunen. Horrez gain, jende ugari bildu du goizeko manifestazioak, “Herritarrok gure etorkizuna eraikitzen” lemapean: 10etan abiatu da eta lau geldiune estrategiko izan ditu: Mendibil merkataritza-gunean, saltoki handien eta kapitalismoaren ankerkeria salatu dute sindikatuek; udaletxe aurrean, egoerari aurre egiteko Irungo Udalak neurririk hartu ez izana kritikatu dute, eta kartela jarri dute udaletxeko arkupeetan: “Gaitasun ezagatik ITXITA”; Kutxabanken aurrean izan da hurrengo geldialdia, “banketxeak lapurrak!” oihu artean, eta Euskal Herrian etxegabetze gehien eragin dituen erakundea Kutxabank dela gogoratu dute bozgorailutik. Azkenik, Zabaltza plazan amaitu da manifestazioa, eta balorazio baikorra egin dute sindikatu deitzaileek. Laburrean, kaleratzeetan, murrizketetan eta eskubideen galeran oinarrituko ez den bestelako eredu ekonomiko propioa aldarrikatu dute bidasoarrek, eta manifestari kopuru handia espero da arratsaldeko deialdietan (16:00etan Hondarribian eta 19:00etan Irungo Zabaltza plazan).

Izan ere, egoera ez da batere samurra eskualdean. Espainia eta Frantzia estatuen arteko muga kentzea kolpe ekonomikoa izan zen horretaz bizi zen familia irundar askorentzat. Baina horri aurre egiteko, eraikuntzaren sektorea bultzatzea erabaki zen, pisu ekonomiko nabarmena izan du sektore horrek Bidasoan, eta eraikuntzaren burbuila eta espekulazioa lehertu direnean, ondorio kaltegarriak utzi ditu eskualdean. “Eraikuntza-enpresa garrantzitsuek ateak itxi dituztenean (Construcciones Dumboa, Eguzkialde…) jende asko kalean geratu da (urtetan dirua metatu ostean eskrupulurik gabe bota dituzte asko, sarri indemnizaziorik gabe), eta zerbitzu sektorea indartu nahi izan da soluzio gisa, baina lanpostu gutxi, aldi baterakoak eta prekarioak sortu ditu arlo horrek”, azaldu digu Zorion Ortigosa Bidasoa-Oarsoaldeko LABeko arduradunak.

Ortigosaren iritziz, “ke asko saldu da Irunen, marketina izan da nagusi, oinarrira joan beharrean. Adibidez, industri-poligono berria sortu zuten, ekonomia indarberritzeko izango zela iragarriz, eta hutsa dago, ez delako benetako apusturik egin. Udalek eskumen mugatuak dituzten arren, oro har administraziotik ez da zalantzan jartzen egungo eredua, egoera bere onera noiz itzuliko den itxarotea da jarrera nagusia, baina ikusten dugu krisiaren aurreko egoerara ez garela bueltatuko”.

Goizeko manifestazioa kale nagusitik igarotzen:

 

German Setien Irungo LAB sindikatuko kideak balorazio “oso positiboa” egin du:

 


Irakurrienak
Matomo erabiliz
#2
#3
Gorka Peñagarikano Goikoetxea
#4
Gorka Peñagarikano Goikoetxea
Azoka
Kanal honetatik interesatuko zaizu: M30 Greba
2020-11-11 | Hala Bedi
Urtarrilaren 30eko Greba Orokorraren harira
Lau gazte deklaratzera deitu eta horietako hiru atxilotu ditu Espainiako Polizia Nazionalak Gasteizen

Espainiako Polizia Nazionala lau gazteen etxean agertu zen eta soilik bi atxilotzea lortu zuen. Asteazken goizean hirugarren bat atxilotu dute. 19:30ean manifestazioa egingo dute Gasteizen atxiloketok errefusatzeko.


2020-02-13 | Ahotsa.info
Iruñean 3 lagun atxilotu ditu Poliziak Greba Orokorraren harira

Espainiako Poliziak gutxienez 3 lagun atxilotu ditu gaur goizean Donibanen. Atxiloketak Greba Orokorran izandako oldarri polizialarekin lotura dutela pentsatzen da. Egun horretan Espainiako Poliziak gogor kolpatu zituen Donibaneko piketean ari zirenak inolako arrazoirik gabe... [+]


2020-01-30 | ARGIA
Hamar lagun atxilotu dituzte Greba Orokorraren aldeko ekintzetan

Burlatan, Donostian, Ermuan, Zornotzan eta Iruñean izan dira atxiloketak.


2020-01-20 | ARGIA
Pentsiodunek Urkullu kritikatu eta 30eko greba orokorra sostengatu dute

Hego Euskal Herriko pentsiodunak astelehen honetan ere, hilak 20, mobilizatu dira 2018ko urtarrilean hasita astelehenero egin duten gisan. Elkarretaratze jendetsuena Bilbokoa izan da eta bertan mugimenduaren eledunek, pentsiodun askok bizu duten egoera gero eta larriagoa... [+]


Zatoz Alemaniara, lana nahi duten ausarten paradisura

“Zoazte Alemaniara” diotse gazte espainiarrei, gureei barne, 1971n Pedro Lazagaren “Vente para Alemania, Pepe” film lotsagarri hartan kantatutako antzeko doinuan. Zain dauzkate araurik gabeko lanpostuen ugazabak. Ezagutu Mathilde Ramadierren istorioa... [+]


Eguneraketa berriak daude