Baserritarrak kexu dira sagarraren prezioak tamalgarri izaten jarraitzen duelako

  • Sagardoaren Jatorri Izendapenak aukera itzelak ematen dituen tresna den arren, Euskal Sagardoa martxan jarri zenetik bildu den lehen uztan sagarraren prezio tamalgarriak mantendu dira.

Etxalde
2017ko urriaren 06a
Sagardoaren label berriek baserritarrei ez die ekarri sagarraren prezien inolako hobetzerik. (Argazkia: @nirea_akordioa)

Sagardo-sagarra biltzeko garaia iritsi da irailarekin batera. Euskal Sagardoa Jatorri Izendapena martxan jarri denetik lehen uzta da aurtengo hau. Bertako sagarrarekin egiten da Euskal Sagardoa, sektore oso baten garapenari aukera itzela eskeintzen dion tresna berria. Sagarraren prezioari dagokionez, aldiz, zaharrak berri: urteak eta urteak daramatza sagarraren prezioak kiloko 0,25 euroren bueltan. Aurtengoan ekoizpen handia izan daiteke aitzakia, sagar asko dago, 10.000 tona aipatu dira. Kontua da, bata edo besteagatik, Euskal Sagardoa Jatorri Izendapenak ez duela ekarri sagarraren balioan inongo hobekuntzarik, sagardotegiek sagarragatik ordaintzen duten prezioa ez dela duina, alegia. Urteak eta urteak horrela.

Euskal Sagardoarekin batera, Eusko Jaurlaritzak kalitatezko sagardoaren aitortza egin dio Gorenak marka pribatuari. Instituzioek, sagarra kanpotik ekartzen duten sagardogileei babesa eman diete. Inportatutako sagarra eta bertako sagarra biak batera babesteak badu kontraesanetik askorik, bada horixe bera ari da egiten Jaurlaritza. Eta bien bitartean bertako sagarraren prezioa lurra jota. Grabitatearen lege naturalak erori arazten du sagarra lurrera, baina sagarraren prezioa lurra jota egoteak ez du oinarririk inongo lege naturaletan. Pastela nola banatzen den da kontua eta kasu honetan sagardogileek pastelaren apurrak uzten dituzte soilik.

Sagarrondoak alez gainezka daude eta kanpoko sagar merkea aitzaki hartuta prezioak ez dira igotzen. Egoera horretan, sagarra biltzeak ere zentzua galdu dezake. Baserritar asko eta askorentzat konplementu garrantziatsua izan daiteke sagarra, sektorea indartu daiteke. Baina sagarraren prezioaren inguruan eztabaida serioa eta ekintza zehatzak hartzen ez diren bitartean, ez da aurrera egingo. Lehen sektorearentzako aukera izango den sagarraren ekoizpena sagardotegi handien esku geratuko da hein handi batean. Bide horretatik doa, maila handi batean, landaketa berriak egiteko bultzatu den programa instituzionala.

Guzti honetaz eztabaidatu beharrean, aurtengo gai nagusia sagarrak biltzeko makina berria izan da. Makina ekarri behar, antza denez «ez dagoelako sagar biltzen lan egin nahi duenik». Sagarraren antzera, lanagatik ordaindutakoak ez ote du eraginik izango honetan ere? Gogoeta egiteko gaia dira botilaraturiko sagardoarekin egiten ari diren prezio baxuko eskaintzak. Aztertzeko gaia da ikustea botilaren prezioak erridikuloak direla, bodegatik euroaren azpitik ari direla ateratzen sagardo botilak. Nor ari da guzti hau jasaten? Zeinek hartzen du bere bizkar hau guztia? Baserritarrak.

Euskal Sagardoa tresna benetan ona da sagardoaren inguruko sektore osoaren garapenerako. Baina garapenak lehengaiaren errekonozimendua eskatzen du, sagarraren prezio duina. Eta prezio duinak bertako sagarraren ekoizpena bultzatuko luke. Norabide horretan pausuak ematea ezinbestekoa da. Horrela egin ezean, etiketek dotore emango dute botila zein kupeletan eta agian atzean dagoena ere izkutatzen jarraituko dute, baina

sektore oso baten garapenerako aukera izan ordez, «euskal» deiturapean eta folklore guztiz hutsalaren atzean ezkutaturiko negozio soil bat izaten jarraituko du sagardoaren ingurukoak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sagardoa  |  Sagarra

Sagardoa kanaletik interesatuko zaizu...
2018-01-21 | Jon Torner Zabala
Larregain
Natura eta historia batzen dituen ibilbidea

Sagardotegi-plana osa dezakeen proposamen bat ekarri dugu orriotara, Aiako natur parkearen mendebaldeko muturrean barneratzen den ibilbide zirkularra, zailtasun txikikoa eta nahikoa motza (3,7 km). Historian atzera egiteko parada izango dugu, bidean topatuko ditugun arta-mugarri eta trikuharrien altzoan oinez.


2018-01-21 | I˝aki Sanz-Azkue
Antonino Pagolaren errezeta sekretua
Sagardoa eta garagardotarako lupulua nahasten direnean...

Garagardoa egiteko erabiltzen den lupulua eta sagardoa nahastean ateratzen den edaria berezia da. Zaporea, freskotasuna eta nortasuna; hiruak omen ditu. Ameriketako Estatu Batuetan eta Kanadan arrakasta handia du, eta Galizian ere atera dute halakorik, bertako sagarra eta kanpoko lupuluarekin egina. Euskal Herrian, ordea, sagardo lupuluduna edari arrotza da. Oraingoz.


2018-01-21 | Agin Rezola
Unai Agirre
"Bertsolaritza lotzea sagardotegi edo taberna munduarekin, ez da txarra"

Apaizak ardoarekin lotzen diren bezalaxe lotzen dira bertsoa eta sagardoa. Bi mundu ezberdin, baina elkarri oso lotuta daudenak. Hanka bat mundu banatan du Unai Agirrek. Batetik, Euskal Sagardoa jatorri deiturako koordinatzaile gerentea da eta bestetik, Euskal Herriko Bertsolari Txapelketa Nagusiko finalean aritu da. Orbita horretatik irten gabe bildu gara hernaniarrarekin.


2018-01-21 | Jon Torner Zabala
Aitor Etxeandia (Sagarlan)
"Ezinbestekoa da sagastietan makinekin lan egin ahal izatea"

Sagardo Forum jardunaldietan “Sagarrondoaren egoera Euskal Herrian” hitzaldia eman du Sagarlan aholkularitza-enpresako teknikari Aitor Etxeandiak. Hurrengo egunean aurrez-aurre elkartu gara berarekin, Hernaniko solasaldian esandakoez gehiago sakondu aldera.
“Zuekin hitz egin eta gero sagasti bat begiratzera noa, lurra-eta zer moduzkoak diren ikustera”, kontatu digu. “Sagarrondo asko ari dira landatzen lehen ganaduarentzat ziren larreetan edota pinuek libre... [+]


2018-01-14 | Jakoba Errekondo
M÷et & Chandon sagardoa

Urte arteko egun xelebreak amaitu dira, lurretik sortutakoetatik jan eta edan batean osatzen diren egunak. Hobebeharrez, onenetik onenera janedan ere. Ustez. Kaba eta xanpain botila astunak erraz dantzatzen dira. Gaur egun askotarikoak badira ere eskuera, lehen beste upeleko sagardoa zen. Xanpain aukera urria zenean aparteko sona zuen “Champagne” sormarkako Möet & Chandon izenekoak.

Bernardo Aurkia Lizarribar Leaburun jaiotakoa berroigeitaka urtetan aritu zen Saran... [+]


2018-01-03 | Jon Torner Zabala
Txotx irekierak 25 urte, eta hamalau bider kirolariak protagonista

Urtarrilaren 15ean egingo da txotx irekiera Astigarragako Gurutzeta sagardotegian. Aurtengoa 25. edizioa du Sagardo Berriaren Egunak, eta Alberto Iñurrategi mendizale aretxabaletarra izango da protagonista nagusia: Hark egingo du “Gure sagardo berria” oihu, lehen kupela irekitzean.


2017-12-01 | Jon Torner Zabala
Donostiako Sagardo Apuruak uztartuko ditu garai bateko ohiturak eta gaur egungo joerak

Abenduaren 6tik 10era bitartean egingo da Donostiako IV. Sagardo Apurua, Gipuzkoako Sagardogileen Elkarteak antolatuta. Boulevardean baserri-sagardotegi zahar bat berreraikiko dute, eta bertan egingo dira egitarauak jasotzen dituen ekitaldietako asko.


2017-11-22 | Jon Torner Zabala
Sagardo Forumak hamaika hitzaldi eta nazioarteko lehiaketa jasoko ditu

Sagarra, sagardoa eta sagardotegiak baliabide turistiko gisa. Gai horiek ditu ardatz ostegunetik larunbatera Hernaniko Orona-Ideo eraikinean egingo den II. Sagardo Forumak. Sagardoaren Lurraldeak antolatu ditu jardunaldiok.


Azkenak
EGILEA
Eguneraketa berriak daude