Bartzelonako Udalak eten egin ditu Israelekin harremana eta Tel Avivekin zuen senidetzea
Ada Colau Kataluniako hiriburuko alkateak Israelgo Lehen Ministroari gutun bidez leporatu dio Palestinaren aurkako "apartheida" gauzatzea. Kataluniako hiriburua Tel Aviv hiri israeldarrarekin senidetuta zegoen, eta harremana moztu dute.
Bartzelonako Udalak Israelekin zituen harremanak moztu ditu, horren Gobernuak palestinarren aurka egiten duen jazarpena dela-eta. Kataluniako hiriburua Israelgo Tel Aviv hiriarekin zegoen senidetuta duela 25 urtetik, eta bertan behera geratu da senidetzea. Ada Colau Bartzelonako alkateak Benjamin Netanyahu Israelgo Lehen Ministroari eskutitz baten bidez eman dio erabakiaren berri. Bertan, Palestinaren aurka "apartheid egoera" erabiltzea aurpegiratu dio.
Colauk adierazi du harremanak moztea Israelgo Gobernuaren aurkako ekintza dela, eta ez bertako "herri, komunitate edota erlijioaren" aurkakoa. Bartzelonako alkateak ezohiko agerraldia egin du erabakiaren berri emateko.
Gertakariak hautsak harrotu ditu, eta gainerako alderdi politikokek aldeko eta aurkako jarrerak erakutsi dituzte. PSCk esan du "akats larria" dela eta erabakia aldebakartasunez hartu izana leporatu dio. Xavier Trias Junts-eko alkategaiak Twitterren bere iritzia plazaratu du: "Bartzelonak sektarismorik gabe egin behar du lan, konfrontazioa saihestuz eta elkarrizketaren aldeko apustua eginez". CUPek, aldiz, babestu egin du Bartzelonako Udalaren erabakia: "Mobilizazio sozialak merezi du! Zorionak hau lortu duzuen kolektibo eta herritarrei".
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.