Xavier Triasen agintaldian etorri ziren turismo-legearen inguruko zenbait aldaketa. Nahikoa zen 230€ko lizentzia ordaintzea pisua etxebizitza-turistiko bilakatzeko. Behin lizentzia ordainduta, betirako zen; ez zuen iraungitze-datarik.
ElPeriodico-k argitara eman du: pisu gehien dituzten hamar anfitrioien artean, orotara, 996 pisu dituzte. Eta denak aldi berean alokatuta izanez gero, egunean ia 85 mila euro irabaziko lituzkete. Etxe gehien dituen anfitrioiak bestalde –204 guztira–, denak alokatuz gero, egunean 37 mila euro jasoko lituzke.
Datu hauek aztertzen eta publikatzen dituen proiektu kolaboratzailea da DataHippo. Alokairu turistikoak gestionatzen dituzten enpresak analizatzen dituzte, Airbnb eta Homeway bezalakoak, eta hauen webguneek erakusten ez dituzten datuak plazaratzeaz arduratzen dira. Hemen ikus daiteke Bartzelonan eginiko etxebizitza-turistikoen datu bilketa.
CiU eta PPk osatutako koalizioaren legealdian –2011tik 2015era, Xavier Trias zen alkate–, Francesc Xavier Mena conseller-ak turismoaren gaian esku hartu zuen. Zehatzago, pisu turistikoei heldu zien. Orduz geroztik, apartamentu bat turistei alokatu nahi zien edonork aski zuen 230€ko lizentzia ordaintzea; lehenago prozesu luzeago –eta garestiago– bat izaten zen arren. Oposizioak aurka egin zuen, baina indarrean jarri zen lege berria.
2014an irauli zuten legea, egoera eskuetatik joaten ari zela medio. Hala ere, tarte horretan jende askok eta askok aprobetxatu zuen eurentzat abagunea zena –66 anfitrioi dira bost pisu edo gehiago dituztenak–. Orduan ordaindutako lizentziak betirako balio die, iraungitze-datarik ez duen lizentzia gisa “saldu” baitzen. Ada Colauren legealdiak aldiz, pisu turistikoak erregulatzeko programa bat martxan jarri zuen orain bizpahiru urte, baina hau lizentziarik ez dutenen aurka doa, ez hiru urte horietan zehar lizentzia ordaindu zutenen aurka. Airbnb-koak ere berriki "erasotu" ditu.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.