Bartzelonako Udalak hondakinen edukiontziak desagerraraziko ditu hiriko kaleetatik 2021etik aurrera
Urte eta erdi barru Bartzelonako Udala hasiko da hondakinentzako edukiontzi handi irekiak kentzen bere hiriko karrika guztietatik, horien ordez bilketa sistema eraginkorragoak ezarriz. Dagoeneko esperientzia pilotoak egiten ari da zenbait auzotan: Sarrian 2018tik atez ateko bilketa dauka ezarrita eta berrikitan Sant Andreu-Bon Pastorren atez ateko kolektiboa jarri du abian, Gipuzkoan Zestoak darabilenaren antzekoa.
Eloi Badia ez da Gipuzkoako Errausketaren Aurkako Mugimenduko kidea, Bartzelonako zinegotzia da eta metropoliko hondakinak kudeatzen dituen AMB agentziako lehendakari ordea, eta hau esan berri du: "Betiko edukiontzia da zabortegi ireki bat hiriaren erdian". Horrela azaldu die kazetariei Kataluniako hiriburuak bere kaleetatik kontainer irekiak ezabatzeko erabakia. Hitzok esan ditu Sant Andreuko Bon Pastor auzoan apiriletik egiten ari diren esperientzia pilotuaren emaitzak baloratzean.
Bon Pastorren atez ateko komunitarioa ezarri dute, Gipuzkoan Zestoan darabiltenaren antzekoa: puntu jakinetan 18:00etan jarri eta 23:00etan kentzen dituzte edukiontzi kontrolatuak herritarrek horietan laga ditzaten egun bakoitzari dagozkion hondakin-atalak. Udalak zabaldu duenez, apiriletik hona %35 igo da bildutako paper-kartoi kopurua, %32 plastikoarena eta %43 bidrioarena. Horrez gain, bereizita bildutako hondakin organikoetan zakarrak %18tik %6,7ra jaitsi dira, eta hau funtsezkoa da txerri-janak konpost bihurtu ahal izateko, zakar asko daramaten organikoak erraustegira kondenatuta baitaude.
Ada Colau alkatearen ekipoak Bartzelonan Zero Zabor estrategia ezartzea erabakita dauka, Kataluniako hiriburuan gaikako bilketa %36tik igo ezinik ari zirelako edukiontzi libreen sistemarekin. Orain hodakin zerbitzua egingo duen konpainia berria hautatzeko prozesuan daudenean, udalaren plana da edukiontzi sistema erabat aldatzea, hasi 2021ean eta 2025 bitartean. Auzo bakoitzari egokien izango zaion sistema erabakitzeko hainbat aldagai ari dira probatzen eta aztertzen. Bon Pastorrekoa da bat eta beste bat Sarrian 2018tik daukatena, atez atekoa. Udalak informatu duenez, Sarrian atez atekoa ezarri eta berehala lortu zuten gaikako bilketa %19tik %59ra pasatzea eta geroztik hobetzen segitzen dute; esate baterako, bildutako hondakin organikoek Sarrian ez daramate %2 zakar baizik.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]