Barraketako sexismoa saihesteko neurriak hartu ditu Urduñako Udalak

  • Urduñako Udaleko Berdintasun Arloak jaietan sexismoa ekiditeko hainbat ekimen jarri du abian. Batetik, "Jai parekideen alde. Errespeta nazazu!" kanpaina egon da, indarkeria egoerak murriztu edo desagertzea helburu duena. Aurten, gainera, txosnagunetik eta tabernetatik harago, barraken eremura ere hedatu da kanpaina. Izan ere, haurren jolas eremuetan herritar asko pilatzen dira, eta sentsiblizazioan eragiteko espazio gisa katalogatu du udalak.

Artikulu hau CC BY-SA 3.0 lizentziari esker ekarri dugu.

2016ko maiatzaren 17an - 15:14
Barraketako irudien sexismoa eragozteko neurriak hartu ditu udalak (Arg.: Urduñako Udala).

Bestalde, barraketako irudiak sexistak izaten direnez hainbat kasutan, klausula berri bat ezarri da eskaera eta baimen orrian. Hala, barraketan ez dira irudi sexistak onartuko. Jai parekideak sustatzeko barraken eskaera orriarekin batera dokumentazio grafikoa eskatu zaie enpresa horiei, hots, atrakzioen argazkia. Era horretan, Berdintasun eta Kultur Arloek emakumeen objektualizaziorik ematen den aztertuko dute baimena eman edo ez erabakitzeko. Horrez gain, behin barrakak instalatuta ikuskapen lanak egin ditu udalak, eta ondoren, txostena. Horrela, datozen urteetarako hobekuntzak planteatuko dituzte, Urduña hiria eta festetan ere berdintasunean bizitzeko aukera bermatze aldera.

Albiste hau aiaraldea.eus-ek argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Sexismoa
Zuen etxean ere emakumeak arduratzen al dira opariak erosteaz?

Opariak erosteaz batik bat emakumeak arduratzen direla diote azterketek. Durangoko Azokan murgilduta eta Gabonak gertu, gai aproposa dirudi inkestek erakusten duten errealitateaz, gizonek jartzen dituzten aitzakiez eta emakumeek duten "zama mental ikusezina"... [+]


Nolakoak dira haurrentzako ipuinak, genero ikuspegitik?

Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]


Zumaiako festetan gutxienez hiru eraso salatu dituzte

Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.


Haurrei zuzenduta dauden iragarkietako genero estereotipo errepikatuenak

Jostailuen interneteko iragarkiek genero rol eta estereotipo gehiago erreproduzitzen dituzte, telebistako iragarkiek baino. Hori da Kataluniako Ikus-entzunezkoen Kontseiluak egin duen txostenaren ondorioetako bat. Hamar estereotipo errepikatuenak zerrendatu dituzte, horien... [+]


2021-10-17 | June Fernández
Kamera aurrean
Gaztea, argala eta liraina izan behar duzu... emakumezkoa bazara

Naiara Vink EHUko ikerlariaren doktoretza tesiak agerian utzi du Espainiako Estatuko emakumezko berriemaile eta aurkezleek bizi duten presio estetiko sexista. Zein da egoera Euskal Telebistan eta nola irauli daiteke? Sei euskal kazetariri bota diegu galdera.


Eguneraketa berriak daude