Baionako besta alternatiboen egitaraua aurkeztu dute
Baionako besta euskaldun, herrikoi eta feministak antolatu ditu aurten ere Baionako gazte asanbladak. Patxa plaza famatuan jarriko dute aurten ere txozna gunea. Bestak bertze modu batean antolatu eta ospa daitezela aldarrikatuko dute uztailaren 24tik 28ra.
Uztailaren amaieran iritsiko dira Baionako bestak, 24tik 28ra hain zuzen, eta aurten ere Baionako Gazte Asanbladak Baionako Besta Alternatiboak antolatu ditu, hiriburuko bestak giro euskaldun, herrikoi eta feminista batean ospatu ahal izateko.
Irekidura alternatiboarekin emango diete hasiera gazteek bestei. Uztailaren 25ean aldiz nabarmentzekoa izango da arratsaldeko 6etan ospatuko duten poteo feminista, eta 26 eguerdian Amets Arzallus eta Maialen Lujanbioren bertsoek alaituko dute Patxa plaza. 27an gazteen txanda izanen da, gazte bazkaria ospatuko baitute, eta uztailaren 28an "zizpaperifarekin" eta presoen aldeko bazkariarekin emanen diete bukaera bestei. Musikarik ere ez da faltako, kontzertu andana antolatu baitute gazteek 5 egunetarako: Guda Dantza, Frikun, Rodeo, Doctor Mefisto, Anita Parker edota Zazkel izanen dira, bertzeak bertze Patxa plazako eszenatokira igoko diren taldeak.
Bertzalde, gazte asanbladak besta alternatiboen balioak jarri nahi izan ditu mahaigainean. Besta euskaldunak antolatu dituzte, bestak ere momentu ona baitira gazteentzat euskarari leku pribilegiatu bat eman ahal izateko. Besta herrikoiak ere aldarrikatzen dituzte, herritarrak kontsumitzaile huts gisa hartu ordez, herritik eta herriarentzat antolaturiko bestak nahi baitituzte Baionako gazteek. Eta azkenik, eraso sexistarik gabeko bestak aldarrikatu dituzte eta erasotzaile oro kanporatua izanen dela ohartarazi dute.
Azkenik, gazte asanbladak bere iritzia adierazi nahi izan du Baionako bestetan kaleak itxi eta sarrera bat ordaintzeko egin den proposamenaz: gazteek horri begiratu baino, besta eredu osoan arreta jartzeko eskatu dute, eta nork norentzat antolaturiko bestak nahi dituzten baionaztar guztien artean erabakitzea proposatu dute.
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
