Baiona: erresistentzia eta eraikuntzarako deia Alternatibatik

  • Aldaketa klimatikoaren saihesteko bideak marrazteko eta justizia klimatikoaren alde lan egiteko gunea izan da Baiona Ttipia, asteburu guztian zehar. 15.000 herritar batu dira, hausnartzeko, alternatibak deskubritzeko zein garatzeko, eta nola ez, benetako aldaketak exijitzeko agintariei.

Jenofa Berhokoirigoin @Jenofa_B
2018ko urriaren 08a

Txalo eta irri artean eman zaio bukaera Baiona Ttipian, lau hilabete iraun duen Alternatiba itzuliari. Orotara, 5.800 kilometro eginik, lau hilabetez aritu dira bizikletaz hamarnaka herritar, justizia klimatikoaren alde eta sistema kapitalistari begira gauzatu alternatiben sarea sendotzeko. Ehundaka jenderen artetik pasaz, Klima baino beroago gara!  izan dute goiburu orokorra txirrindulari militanteek, hori dutelako helburu. Berehala bete beharreko helburua, klima aldaketaren aurkako borroka galdua ez bada ere, irabazia ez delako.

Alternatiben saretzeaz eta biderkatzeaz gain, lobby eta haien mesedera hartu politiken aurkako erresistentzia sendotzeko deia luzatu dute oholtza gainetik: “Jardun behar dugu masiboki, maila guztietan, gure jendartea berrantolatzeko!” .

Erresistentzia eta eraikuntza

Alternatibaren antolaketan buru-belarri egondakoek egin beharrekoa argi dute: “Erresistentzian egon eta eraiki, blokeatu eta asmatu, desikasi eta berrikasi, beti ondokoa zainduz”. Hala dio ekimenaren bukaeran irakurritako deiak. Bizi!, Attac, Giza Eskubideen Liga, 350.org sarea eta beste egitura andana baten artean adosturikoa dute Oraindik badugu aukera, berriz hartu dezagun geroa gure eskutan izeneko deia. Erresistentzia ez-bortitzaren bidetik ikusten dute borroka eta behin eta berriz errepikatu egin dute asteburuan zehar, izan kantu zein hitzartzeetan. Baina oroz gainetik,  denbora kontatu bat dugu: “Ezin dugu itxoin beste batek gure ordez egitea!”. Klimaren emendio ttipienak ondorio gaitzak dituelako milaka herritarrengan. Eta ezer egin ezean, berantegi izanen delako guztientzat.

Hego Koreatik zuzenean hitz egin du ere Valérie Masson-Delmotte klimatologoak itxaropen puntu batekin: Nazio Batuen Erakundeko Estatu guztiek onartu dute Klima Aldaketari Buruzko Gobernu Arteko Taldearen txostena. 6.000 ikerketa zientifikoetan oinarriturik, 1,5 graduko beroketa baten ondorioak plazaratzeaz gain, beroketa maila hau saihesteko opzioak zerrendatzen ditu dokumentuak. Bat egitea ez denez aski, benetako aldaketak ondorioztatu beharko ditu onarpenak. Abenduaren 2tik 14ra burutuko dute COP 24 gailurra Polonian eta orduan ageriko da benetako nahikeria politikoa.

Besta eta gogoeta.

Alternatibez ikasteko eta sistema aldatzeko bideei buruz gogoetatzeko unea izan da Baiona Ttipia asteburu guztian zehar. Hamarnaka hitzaldi eskainirik, aditu eta arituen ezagutzeko aukera eta hortik gogoeta berriak deskubritzeko gunea eskaini dute: Ekofeminismoaz, etorkinen aldeko borrokaz, laborantza herrikoiaz, desafio klimatikoaz, edota energia berriztagarriez.

Hemen eguneko bideoa eta argazkiak:

 

 

Argazkia: Jenofa Berhokoirigoin
Argazkia: Jenofa Berhokoirigoin
Argazkia: Jenofa Berhokoirigoin.
Argazkia: Jenofa Berhokoirigoin
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Alternatiba Itzulia

Alternatiba Itzulia kanaletik interesatuko zaizu...
2018-10-04 | ARGIA
Alternatiba Tourra Donostian: Baiona helmuga, klimaren alde bizkortzea helburu

Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela diote ekimenaren sustatzaileek.


2015-11-22 | I˝aki Barcena
Alternatiben urriak

Baionatik Bilbora: inor gutxik espero zezakeen Baionan 2013ko urriaren 6an ikusitakoa bi urte geroago Bilbon, 2015eko urriaren 24an errepika zitekeenik. Nik neuk ARGIAn hauxe idatzi nuen: “Ziur nago, Alternatiba eguna hemendik aurrera erreferentzia politiko nabarmena izango da Frantziako Estatuaren ezkerrarentzat, egin duten lana eta lortu diren emaitzak eredugarriak izan baitira. Ez nago hain ziur lorpen hori gure Hegoaldean antzerakoa izango denik. Maleruski, gure kultura politikoan ez... [+]


Alternatiba Tourra arrakasta handiz amaitu da Parisen, lau hilabeteko ibilaldia burutuz

60.000 pertsona baino gehiagok hartu dute parte Parisen Alternatiba Itzuliak larunbat eta igandean antolatutako ekitaldietan.


2015-09-17 | Garazi Zabaleta
Alternatiben Herria finantzatzeko crowdfundinga abian

Urriaren 24an egingo dute Alternatiben Herria ekimena Bilbon. Finantzaketarako crowdfunding kanpaina jarri dute abian antolatzaileek: 21.050 euro lortzea dute helburu, baina lortu beharreko gutxieneko kantitatea 12.180 euroan jarri dute.


2015-08-04 | ARGIA
Luxemburgo eta Belgikatik pasa ostean, Bretainiarako bidean da Alternatiba Itzulia

Asteartean Flandriago Gantetik pasa ondoren, asteazkenean Frantziako Estatuko Lille hirira iritsi behar du ekainaren 5ean Baiona eta Donostian abiatu zen Alternatiba Itzuliak. Normandian barrena gero Bretainiarantz jarraituko du kostaz kosta Bordeleraino jaitsita Paris alderako azken txanpari ekiteko. Irailaren 26an iritsiko da Parisera, bertan udazken amaieran burutuko den Klimaren Gailuarraren aurretan herritarrak ohartaraztea helburutzat daukan ibilaldi handia.


2015-07-22 | Garazi Zabaleta
Alternatiba Itzulia blokeatu du poliziak Frantziatik Alemaniarako bidean

Ekainean Baionan hasi eta Pariserako bidea bizikletaz egiten dabil Alternatiba Itzulia, irailaren 26an iristeko. Abenduan ospatuko den COP21 klimaren gailurraren aurrean jendartea mobilizatu nahi dute martxarekin. Fessenheimgo (Frantzia) zentral nuklearrean egindako azalpenen ondoren oztopatu du poliziak itzulia. 


Okzitaniako Tolosa zeharkaturik, Mediterraneora bidean dabil Alternatiba Tourra

Larunbatean, ekainak 13, Tolosatik  pasa ostean, Mediterraneora bidean doa Baiona eta Donostian 5ean abiatutako Alternatiba Itzulia. Astelehenean Carcasona (Carcassona okzitanieraz) hiri historiko famatuan ibiliko da, asteartean ukituko du itsasoa Narbonan eta heldu den igandean Arles (Arle) zaharrean geldituko da.


2015-06-12 | Garazi Zabaleta
Alternatiben Herria bihurtuko da Bilbo urriaren 24an

Urriaren 24an Alternatiben Herria egingo dute Bilbon. Euskal Herriko Eskubide Sozialen kartak planteatutako erronka da Alternatiben Herria. 


Alternatiba Itzulia Biarnoko lurretan dabil egunotan, Parisera bidean

Ostiralean aldi berean Donostiatik eta Baionatik abiaturik, Bizi! eta Attac elkarteek antolatutako Alternatiba Itzulia Paue ondoko Leskarre herrira iritsi zen astelehenean eta asteazkenean, ekainak 10, Banhèras de Bigòrran edukiko du helmuga. 5.000 kilometroz goiti eginda, irailaren 26an sartuko da Parisen helburutzat bertan abenduan burutuko den COP21 klimaren gailuarraren aurrean gizartea ohartarazi eta mobilizatzea duen Tourra.


2015-06-07 | Lander Arretxea
Alternatiben Herrixka Donostian
Bide bizia, bizia bide

Donostiatik igaroko da Europan Klimaren krisia gainditzeko borroken ikur bilakatu den Bizi! mugimenduak antolatutako Alternatiba itzulia. Ekainaren 5ean. Aukera baliatuta, alternatiba sozio-ekonomikoak bilduko dituen ekimena antolatu dute, festa giroan, bestelako bideak badirela ikusarazi eta elkarlana sustatzeko.


Azkenak
EGILEA
Eguneraketa berriak daude