Alternatiba Tourra arrakasta handiz amaitu da Parisen, lau hilabeteko ibilaldia burutuz

  • 60.000 pertsona baino gehiagok hartu dute parte Parisen Alternatiba Itzuliak larunbat eta igandean antolatutako ekitaldietan.


2015eko irailaren 28an - 10:10
Alternatiba Itzuliko txirrindulariak Parisko karriketan azken metroak korritzen, buru dutela Txetx Etxeberri Bizi!ko kidea. (Argazkia: Le Monde)

Horrela amaitu da Bizi! elkarteak Attac eta beste zenbait eragilerekin antolatuta ekainean Baiona eta Donostian abiatu zen ibilaldi luzea, abenduan munduko agintariek klimaren beroketaz burutu behar duten COP21 gailurraren aurrean gizartea mugiarazteko helburuz egina.

Larunbatean, hilak 26, 5.637 kilometroko bidaia luzea egin duten militanteak Parisko karriketara iritsi direnean beren txirrindu luze bitxiekin, 1.500 herritar gehiagok eman diete babesa beren bizikletekin, Place de la Republiquen zain zeuzkaten 20.000 jenderen artera iristeko. Mitin jendetsu batek eman zion amaiera txango aldarrikatzaile luzeari. Hizlari ospetsuen artean bat nabarmentzekotan, militante gazteen artean mintzatu zela Edgar Morin soziologoa.

Bitartean, asteburu osoan zabalik egon da Alternatiben Herrixka, duela hiru urte Baionan estreinatu zen haren ildotik Europa osoan zabaltzen ari den formula (Euskal Herrian heldu den asteburuan Donibane Garazin izango da hurrengoa, eta urriaren 24an Bilbon). Basta! aldizkariak bere kronikan eskaintzen ditu Parisko herrixkan parte hartu zuten elkarteen xehetasunak, gehi giroaren kontaketa eta argazki ederrak. Beste hainbeste egin du Reporterre webguneak, "Eta Alternatiba egin zen Errepublikaren jabe!" izeneko erreportajearekin.

Euskal Herritik abiaturik Frantziako estatua zeharkatu eta inguruko herrialdeetan ere barnatu den Alternatiba Itzuliak etapa bakoitzean bide egin die hainbat hitzaldi, bilkura eta erakusketari, dena abenduan Parisen burutuko den Klimaren gailurra berotzearren.


Kanal honetatik interesatuko zaizu: Alternatiba Itzulia
Baiona: erresistentzia eta eraikuntzarako deia Alternatibatik

Aldaketa klimatikoaren saihesteko bideak marrazteko eta justizia klimatikoaren alde lan egiteko gunea izan da Baiona Ttipia, asteburu guztian zehar. 15.000 herritar batu dira, hausnartzeko, alternatibak deskubritzeko zein garatzeko, eta nola ez, benetako aldaketak exijitzeko... [+]


2018-10-04 | ARGIA
Alternatiba Tourra Donostian: Baiona helmuga, klimaren alde bizkortzea helburu

Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela... [+]


2015-11-19 | Iñaki Barcena
Alternatiben urriak

Baionatik Bilbora: inor gutxik espero zezakeen Baionan 2013ko urriaren 6an ikusitakoa bi urte geroago Bilbon, 2015eko urriaren 24an errepika zitekeenik. Nik neuk ARGIAn hauxe idatzi nuen: “Ziur nago, Alternatiba eguna hemendik aurrera erreferentzia politiko nabarmena... [+]


2015-09-17 | Garazi Zabaleta
Alternatiben Herria finantzatzeko crowdfundinga abian

Urriaren 24an egingo dute Alternatiben Herria ekimena Bilbon. Finantzaketarako crowdfunding kanpaina jarri dute abian antolatzaileek: 21.050 euro lortzea dute helburu, baina lortu beharreko gutxieneko kantitatea 12.180 euroan jarri dute.


2015-08-04 | ARGIA
Luxemburgo eta Belgikatik pasa ostean, Bretainiarako bidean da Alternatiba Itzulia

Asteartean Flandriago Gantetik pasa ondoren, asteazkenean Frantziako Estatuko Lille hirira iritsi behar du ekainaren 5ean Baiona eta Donostian abiatu zen Alternatiba Itzuliak. Normandian barrena gero Bretainiarantz jarraituko du kostaz kosta Bordeleraino jaitsita Paris alderako... [+]


Eguneraketa berriak daude