“Azken iheslaria etxean izan arte” laguntzeko prest agertu dira iheslari ohiak
Iheslariei babesa adierazteko jendaurreko ekitaldia egin zuten Altsasun zenbait iheslari ohik larunbatean, hilak 15. “Azken iheslaria etxean egon arte” laguntzeko prest agertu ziren eta konponbide prozesuaren aldeko erabateko konpromisoa agertu zuten.
150 iheslari ohi inguru Altsasuko Iortia kultur etxean elkartu ziren, iheslariek etxera itzultzeko hartutako bidean “elkartasun eta laguntza” agertzeko.
Xabier Zubizarretak eta Aitziber Plazaolak irakurritako agirian “36ko gerratik gaurdaino pairatutako faxismoaren garaipenak ihes egiteko beharra” eragin duela adierazi zuten, eta iheslariak “etenik izan ez duen sokaren ondorengoak” direla. “Soka hori behin betiko eten behar” dela, “etenarazi” behar dela ere aldarrikatu zuten.
Euskal Iheslari Politikoen Kolektiboak helburu hori lortzeko zein bide orri proposatzen zuen esateko ekitaldia egin zuen iazko ekainean Miarritzen. Bertan aipaturiko pausoetako bat da Altsasun egindako agerpena.
Frantziako eta Espainiako gobernuen “blokeoak” eta PPren “inboluzioak” aurrera pausoak ematea “oztopatzen” dutela esan badute ere, iheslarien eta presoen kolektiboak emandako urratsak goraipatu dituzte. Gobernuak ezarritako “baldintza zailak” gaindituta “etxerako bidea” eraikitzen ari direla adierazi dute.
Gatazkaren ondorioen gordintasunaz ere hitz egin zuten agerraldian: "Gerra zikina esaten zaion jazarraldi ankerrak erakarritako deportazioaren muturreko babesgabetasun juridikoa, heriotza ere eragin duen gutxieneko bizi-baldintzarik eza, kanporaketekin orokortu zen tortura eta izua" aipatu zituen besteak beste Zubizarretak, Joxerra Senarrek Berrian jaso dituen hitzetan.
Plazaolak, berriz, herritarren garrantzia azpimarratu eta “hasitako bidea erraztu” dezaketen bakarrak herritarrak direla dela esan zuen.
Oinarrizko puntuak ezarrita
Altsasukoa ez zen Larunbateko agerraldi bakarra izan. Presoen eskubideen alorrean zenbait oinarrizko puntu bete daitezen eskatzen duen adierazpena ere aurkeztu zuten Donostiako San Telmo museoan.
Erakunde, alderdi eta kultur arlo ugaritako 25 pertsona izan ziren adierazpena aurkeztu eta euskal preso eta iheslarien Giza Eskubideak errespeta daitezen eskatu zutenak.
“Bakea erabat gauzatzeko bidean” aurrerapausoak eman nahi badira “aldebakarkeriak” baztertu behar direla adierazi zuten sinatzaileek.
Giza Eskubideen alde lan egitea ez dela "gutxi batzuen lana" gogorarazi zuten, eta "ahalik eta sare indartsu eta eraginkorrena" osatzeko deia egin zuten.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Bideokonferentzia bidez deklaratu dute Euskal Iheslari Politikoen Kolektibo sei kideak, astelehen goizean. Zitazioetan adierazten zenez, 2013ko gertakarietan oinarrituta ireki dira eginbideak. Sumarioa sekretupean dago.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
18/98 makrosumarioan atxilotu eta torturatu zutenetik 23 urtera, espetxeari ihes egin zionetik hamabostera, apirilaren 5ean bueltatu zen etxera Nekane Txapartegi asteasuarra. ARGIAren Lasarteko egoitzara bisitan, hitz egin digu erbesteaz, euskaraz, torturaz, feminismoaz,... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Astearte goizean Auzitegi Nazionalean aurkeztu eta gero, arratsalderako Asteasu sorterrian zen. Dokumentu faltsutzea leporatuta epaituko dute Madrilen, baina ez diote kautelazko neurririk ezarri. ARGIAko kolaboratzailea da Txapartegi.