Azken astean lan istripuz gertatutako heriotzak salatu ditu gehiengo sindikalak
Bilbon bildu da gehiengo sindikala, azken astean lan istripuen ondorioz jazotako lau heriotzak salatzeko. Amiantoaren eraginez hildako langile bat ere oroitu dute.
Bilboko Eusko Jaurlaritzaren egin dute elkarretaratzea ELA, LAB, ESK, Steilas, EHNE eta Hiru sindikatuek, azken astean lan istripuetan hildako lau langileen heriotzak salatzeko. Maiatzaren 20an zendu ziren langileotako bi: bata Zestoan, mendian lanean zebilela eta bestea Zarautzen, garabitik erorita; maiatzaren 22an zendu ziren beste bi langileak, bata Loiuko Olarra lantokian eta bestea Barazarren, kamioi istripu batean. Lau langileokin batera, gogora ekarri dute amiantoaren eraginez zendutako bosgarren bat ere.
Elkarretaratzean batu diren sindikatuek lan merkatuko prekarietatearekin lotu dituzte lan istripuak. Alabaina, istripu oro ekidin daitekeela adierazi du ELAko ordezkari Leire Herediak, hori bai, ondokoa azpimarratuz: “ neurri hauek dirua balio dute eta enpresek produkzioa prebentzioaren aurretik kokatzen dute”. Horregatik, Eusko Jaurlaritzari eskatu diote gaia bere agendan txertatzeko.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.