A30eko greba feminista orokorraren harira, hiru grebalari deitu dituzte deklaratzera

  •  Azpeitiko epaitegian deklaratu beharko dute ekainaren 5ean. Zumaia eta Zarautz arteko A-8 autobidearen mozketari loturik, "desordena publikoa" egozten diete. Egun berean 09:50ean elkarretaratzea eginen du mugimendu feministak, elkartasuna adierazteaz gain, prozedura judiziala bertan behera uztea galdatzeko.

     

Errepide mozketak burutu zituzten goizean goizik, azaroaren 30eko greba feministaren kari. Argazkia: ARGIA

2024ko maiatzaren 30an - 09:36
Azken eguneraketa: 11:27

Zumaiako mugimendu feministak ohar bidez jakitera eman du, azaroaren 30eko greba feminista orokorrari lotuta, hiru kidek deklaratu beharko dutela, leporaturiko "desordena publikoaren" harira. Zumaia eta Zarautz arteko A-8 autobidearen mozketari lotua da prozedura. Mobilizazio horretan bi grebalari feminista identifikatu zituen Ertzaintzak eta deklaratzera deituriko hirugarrena, haatik, eguerdiko eta iluntzeko mobilizazioetara deitzen zuen informazio orria bidali zuena da.

Ekainaren 5ean deklaratu beharko dute Azpeitiko epaitegian. Urola Kostako koordinakunde feministak elkarretaratze batera deitu du, egun berean 09:50ean auzitegiaren aitzinean, prozedura judiziala bertan behera uztea eskatzeko eta elkartasuna adierazteko. Leporaturikoarengatik sei hilabete eta hiru urte arteko presondegi zigorrak aurreikusten ditu legeak. Beste behin, zaintza sistema publiko eta komunitarioaren aldarria zabalduko dute elkarretaratzetik.

Azaroaren 30 goizaldean hainbat grebalarik Arroako autobideko irteera moztu zuten, bidesari aitzinean eserialdia eginez. Auto-ilara luzeak sortu ziren Zumaia eta Zarautz arteko autobidean. Hego Euskal Herri osoan bideraturiko greba feminista orokorraren baitako ekintza izan zen.

 


Kanal honetatik interesatuko zaizu: Feminismoa
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


Abortua homizidio bilakatu nahi duen lege proiektuaren aurka kalera atera dira Brasilen

Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]


Askatasunerako dantzalekua

Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).


Gasteizko auzoetako jaietako protokolo feminista martxan da

Hiru ardatz nagusi ditu protokoloak: pedagogia, prebentzioa eta erantzuna. 24 orduz aktibo egonen da erasoak salatzeko telefono zenbakia: (+34) 747 414 834.

 


2024-06-07 | Estitxu Eizagirre
"Emakumeen haria" ekitaldia Villabonan, ekainaren 7an
Testigantzak, murala eta bertso saioa, oihal fabriketako emakumeen lana eta bertsoarekiko lotura ezagutzeko

Oihal fabriketako emakume langileak eta bertsoa josi ditu Emakumeen haria ekimenak. Ekainaren 7an izango da Villabonan. Bertaratzen denak ezagutuko du egun Bertsozale Elkartearen egoitza den Subijana etxea iraganean oihal fabrika izan zela; entzun ahalko ditu bertan lan egin... [+]


Eguneraketa berriak daude