Poloniako egungo abortuaren legea Europako zurrunenetakoa da, Amnesty Internationalek salatu duenez. Bada, are gehiago zorroztu nahi du boterean dagoen Legea eta Justizia alderdi eskuindarrak, eta proposatutako lege erreforma eztabaidatzen ari da parlamentua. Abortua ia edozein kasutan debekatzen du egungo legediak —haurdunaren bizitza arriskuan jartzen duenean eta bortxaketa kasuetan salbu—, eta lege berriak, horrez gain, kartzelarekin zigortu nahi ditu legez kanpoko abortuak egiten dituztenak eta ikertu egingo ditu abortu natural “susmagarriak”.