Emakumeak borrokan

'Aundiya' filmaren izen ofiziala 'Handia' izango da

  • Duela astebete iragarri zuten Pascal Gaignek filmeko musika grabatzen bukatu duela eta ostegun honetan haren izena aldatu dutela iragarri du Jon Garañok Twitter bidez.

ARGIA @argia
2017ko uztailaren 13a
Orain arte gipuzkerazko izena erabili badute ere, filmaren titulu ofiziala batuan jarri dute.

Filmaren beste zuzendariak txio honekin erantzun dio tituluaren erabakiaren berri eman duen mezuari.

Altzoko Handiaren historiatik abiatuko da Garañok eta Arregik zuzenduko duten lana eta Eneko Sagardoy aktorea izango du protagonista.

Iaz Sagardoyk hedabide honi eskaini zion elkarrizketan azaldu zuenez, filmak "ez du kontatzen Joakin Eleizegi izan zenaren biografia: bi anaiaren arteko adiskidetasun istorioa da. Ezaugarri berezia da anaietako batek aldaketa bortitza jasaten duela eta horrek biei eragiten diela. Oso oinarrizko sentimenduetara jotzen duen pelikula da".

Aurtengo otsailean jakin zenez, Film Factory Entertainment enpresak kudeatuko ditu pelikularen mundu mailako salmenta eskubideak. Filmaren egileen Moriarti ekoiztetxeak aurretik egindako Loreak filmaren arrakastak izango zuen zerikusirik akordio horretan; eta erakusten du ikusmina badagoela atzerrian ere euskal film honekin.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Handia filma

Handia filma kanaletik interesatuko zaizu...
Eguneraketa berriak daude