Netflixen ikusi ahal izango da 'Handia' maiatzetik aurrera

  • Netflixek Handia filma eskainiko du maiatzetik aurrera. Xabier Berzosa Irusoin ekoiztetxeko kideak ETBri azaldu dionez, filma egin baino lehenago erosia zeukan plataforma digitalak.

Gorka Bereziartua Mitxelena @boligorria
2018ko otsailaren 06a
10 Goya sari eskuratu ditu filmak, tartean gidoi onenarena (argazkian: Joxe Mari Goenaga, Andoni de Carlos, Aitor Arregi eta Jon Gara˝o saria jaso berritan).

Fermin Etxegoienek aurkezten duen ETB1eko Zinez saioak programa berezia egin du astelehen honetan Handia filmari buruz, Espainiako zine akademiaren Goya sarietan jaso dituen hamar sariak direla-eta.

Sari banaketako une gogoangarrienak eskaintzearekin batera, Etxegoienek elkarrizketa egin dio filmaren ekoizpenean parte hartu duen Irusoin produktorako Xabier Berzosari eta, besteak beste, Netflix plataforma digitalarekin sinatutako akordioaren xehetasun batzuk eskaini ditu.

Tartean, oso ezaguna ez zen datu bat eman du: Netflixek filma egin baino lehenago erosi zuela Handia, eta erosketa horrek ekarri duen dirua izan dela gakoa Aitor Arregik eta Jon Garañok zuzendu duten pelikularen aurrekontua inoiz euskarazko film batek eduki duen handiena izan dadin.

Berzosak azaldu duenez, hiru milioi euro inguruko aurrekontua izan du Handia-k eta horren erdia, gutxi gorabehera, euskal ekoizpenek normalean lortu ahal izaten ez dituzten bideetatik etorri da: atzerriko banatzaileak eta plataforma digitalak.

Netflixek ez du publikoki esan zehazki zenbat ordaindu duen. Bai ordea noiztik egongo den ikusgai plataforma horretan: aurtengo maiatzetik aurrera izango da.

Hori baino lehenago ere izango da aukerarik Handia plataforma digitaletan ikusteko, nolanahi. Filmin-en, adibidez, ostiral honetatik aurrera ikusi ahalko da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Handia filma

Handia filma kanaletik interesatuko zaizu...
AEBetako zinema aretoetan estreinatuko dute 'Handia'

Filma ozeanoz bestaldeko hainbat jaialditan eskaini dute, eta areto komertzialetara jauzia eman du, iragarri dutenez.


Goya sarien atzeko prekarietatea: Eneko Sagardoy langabezia kobratzen ari da

Aktore berri onenaren Goya saria irabazi zuen larunbatean Eneko Sagardoyk Handia filmean egindako lanagatik eta azken egunetan hedabide askotan hitz egin du, bai film horretaz, bai martxan dauzkan proiektu berriez ere. Horrek bide eman du aktorearen gaur egungo lan egoeraz aritzeko ere: une honetan langabezia kobratzen ari da.


2018-02-05 | ARGIA
'Handia'-ren gaua Goya sarietan: hamar sari lortu ditu

Handia filmak Espainiako zine akademiaren Goya sarietan 13 izendapen zeuzkan eta 10 sari lortu ditu. Euskal zinemarentzat gau historikoa izan dela esan daiteke, sariotan aurrekaririk ez baitauka Jon Garaño eta Aitor Arregiren filmak lortu duenak.


Zinema eta telebista
Noiz aukeratu batua eta noiz euskalkiak?

Abenduak 8, Durangoko Azokan, Irudienean, lau mahaikide bildu dira galdera horri erantzutera. Olatz Beobidek, Jon Garañok, Patxo Telleriak eta Paul Urkijok ikus-entzunezkoetan bataren edo bestearen alde egiteko hainbat arrazoi azaldu dituzte. Egia esan, euskararen molde bat eta bestea ez dituzte mutur banatan jarri, borrokan, nahasian ere erabiltzen dituzte haien lanetan, eta batik bat fikziozko lanetan, jolas egiteko erreminta bikaintzat dituzte.


2018-01-11 | Euskal Irratiak
'Handia' filma hilabete honetan proiektatuko dute Ipar Euskal Herriko zinema geletan

'Handia' filma Ipar Euskal Herriko zinema geletan estreinatuko dute urtarrilaren 15ean. Orotara 10 pasaldi izanen dira, hilaren 24a bitartean, beste hainbeste herrietan.


'Handia' Goya sarien kategoria nagusietan irabazle izateko hautagai da

Aitor Arregik eta Jon Garañok zuzendutako filma da Espainiako zine akademiak ematen dituen sarietarako hautagai nagusietako bat: film onenaren saria irabaz dezake, baita zuzendari onenari eta gidoi onenari ematen zaiena ere.


"Ahoz ahokoa ahalbidetzen ari da egunez egun 'Handia'k zifra onak mantentzea"

"Ostiralean Handia estreinatu zenean ongi funtzionatu zuen, baina ez modu ikusgarrian; bat-batean larunbatean izugarrizko datuak iristen hasi ziren, eta igandean are datu hobeak; ilara handiak herrietan, sarrerak agortuta areto batzuetan, txaloak hainbat emanaldiren amaieran… eta gu txoratzen", kontatu digu Jon Garaño zuzendariak.


Desastrearen, emakumeen eta 'Handia'-ren Zinemaldia

James Francoren Urrezko Maskorra, Anahí Berneriren eta Sofía Galaren zilarrezkoak eta Handiak jaso duen Epaimahaiaren Sari berezia dira aurtengo palmares ofizialeko puntu nabarmenenak.


Sail Ofiziala, kritika | 'Handia': hazten jarraitzen dute

Pelikula anbiziotsua egin dute Garañok eta Arregik. Anbiziotsua, hitzaren zentzurik onenean.


Aitor Arregi eta Jon Gara˝o, 'Handia'
"Gizon altu sinesgarri bat nahi genuen, ez munstro bat"

Migel Joakin Eleizegi Altzoko Handiaren eta haren anaia Martinen arteko harremanak eta bizipenek harilkatzen dute "Handia", Donostiako Zinemaldiko Sail Ofizialean lehiatzeko hautatua. Errealitatea eta mitoarekin jolasteaz, errelatoaz, pertsonaien psikologiaz, erronka teknikoez… aritu gara filmaren zuzendariekin.


Azkenak
EGILEA
Eguneraketa berriak daude