Gipuzkoako Foru Aldundiak liburu bat editatu berri du, zeinak jasotzen duen Luis Angel Sanchez Gomez Madrilgo Complutense Unibertsitateko Historia doktoreak egin duen ikerketa Migel Joakin Eleizegiri buruz, alegia, “Altzoko Handia”-ri buruz. Asko hitz egin da azken urteotan Eleizegi zenaz, lehenbizi haren historiatik abiatuta opera bat egin zutelako eta gero mundu osoan ezagun egin zuen Handia filma.