Asteazkenean ezagutuko da nor izanen den UPNren buru 2019ko hauteskundeetarako
Egun alderdi erregionalistaren buru den Javier Esparzak baino ez du iragarri bere burua aukeztuko duela UPNren lidergoa eramaten segitzeko. Asteazkena da azken eguna hautagaiak aurkezteko. Besterik ezean, Esparzak berak segituko du postu horretan, eta bestela, urtarrilaren 28an eginen dituzte barne hauteskundeak.
Hogeitabost urte Nafarroako Gobernuan gidaritza makila hartu ondoren 2015ean galdu zuen postu hori UPNk. Ordutik barne eztabaida eta bilera ugari egindakoak dira. Javier Esparzak hartu zuen Yolanda Barcinaren ondorengotza eta ordutik gauzak ez dira bare egon alderdi erregionalistaren baitan. Asteazkenean, aurreikuspenek diotenaren arabera, hautagai bakarra aurkeztuko da UPN alderdiaren buru izateko: Javier Esparzak iragarri du bakarrik bere burua aurkeztuko duela. Hala, aldaketarik ez bada, 2019ko hauteskundeetan Esparza bera izanen da UPNren hautagai nagusia.
Albiste hau Euskalerria Irratiak argitaratu du eta ARGIAra ekarri dugu CC by-sa lizentzia baliatuta
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.