ARGIA.eus

2022ko abuztuaren 15a
Arantxa Tapia

"Onartzen dugu Sanchezen Legea, baina asko hitz egin beharko dugu energia aurrezteko neurriez"

  • Hori adierazi du Arantxa Tapiak Onda Vascari eskainitako elkarrizketan. Bertan Urkullu lehendakariarekin bat eginez, nabarmendu du Espainiako Gobernuarekin energia aurrezteko neurriei buruzko elkarrizketa Sanchezek neurriak iragarri aurretik egin behar zela beren ustez, eta ez a posteriori. Nafarroan neurri berberak hartuko dira. Neurrien arabera, besteak beste, administrazio-eraikinak, merkataritza-guneak, autobus- eta  tren-geltokiak eta aireportuak beren termostatoak udan 27 gradutik behera ezin dira jarri eta neguan 19 gradutik gora.

Arantxa Tapia elkarrizketan. Argazkia: Eusko Jaurlaritza.
2022ko abuztuaren 05a

Urkullu Eusko Jaurlaritzak prestatutako neurriak hartzekotan zegoela —20 eta 25 gradu arteko tenperaturaren artean jarri nahi zuen baremoa—, Espainiako Gobernuak antzeko neurri batzuk ezarri zituela jakinarazi zuen. Hasieran aurkakoa iradoki arren, neurri horiek bere egitea erabaki du EAEko lehendakariak. Hala ere, kexu agertu da Espainiako Gobernuak “hainbeste aldarrikatutako” kogobernutza albo batera utzi eta autonomia erkidegoen esku-hartzeak baztertu ditueako.

EAEko Ekonomia, Garapen, Jasangarritasun eta Ingurumeneko sailburu Arantxa Tapiak Onda Vascari eskainitako elkarrizketan honakoa adierazi du: “Asko hitz egin beharko dugu energia aurrezteko neurriekin zer gertatuko den aztertzeko. Erret-Lege Dekretuak beste arau batzuekin bizi behar du, hala nola elikagaien segurtasunarekin, laneko osasunarekin eta kaleetako pertsonen segurtasunarekin, batez ere, emakumeenarekin”.

Tenperatura baremoaz gain, badira beste desberdintasun batzuk ere. Adibidez, Eusko Jaurlaritzak energia aurrezteko neurriak eraikin publikoetan soilik ezartzeko asmoa zuen. Espainiako Gobernuak ordea, beste hainbat lokaletan ere eragingo duen neurria aterako du, besteak beste ostalaritzan.

Bestalde Eusko Jaurlaritzak nahi zituen neurriak irailaren 1etik aurrerra ezarri, baina Espainiako Gobernuak datorren asteartean, abuztuaren 9an, ezarri du neurriak aplikatzeko azken data.

NBEren aholkuak antzeko neurriak

Nazio Batuen Erakundeak aholku batzuk luzatu ditu ere, Noticias de Navarrak azaldu duenez. Aire girotuaren eta kalefakzioaren erabilera mugatzea aholkatzen ditu. Horrez gain garraio publikoaren erabilera sustatzea eta naturan oinarritutako irtenbideak erabiltzearen garrantzia azpimarratu du António Guterres NBEko idazkari nagusiak.


Energia krisia kanaletik interesatuko zaizu...
2022-08-12 | ARGIA
Iberiar penintsula eta Alemania lotuko lituzkeen gasbide proiektua mahai gainean jarri du Berlinek

Afrikako iparraldetik ekarritako gasa garraiatzeko egitasmoaren xedea aspaldikoa bada ere, gauzatzeko urgentzia azpimarratu du Olaf Scholz Alemaniako kantzilerrak.


Hego Euskal Herrian energia aurrezteko neurriak jarri dira martxan

Erakusleiho itzaliak eta aire girotua kontrolpean eduki behar dira besteak beste energia aurrezteko planaren arabera. Eraikin batzuk aurreratu egin dira, eta neurriak sartu aurretiko gauean ere argiak itzali dituzte.


Aritmetika arazoak

Amaia Zubiriaren lekukoa hartuz, merezimendu osoz jaso zuen duela gutxi Joseba Tapia trikitilariak Donostiako Udalaren Adarra saria, euskal kulturari bizitza osoko ekarpena egin ostean. Trukean, kantu batzuk oparitu zizkigun. Hainbat plazatan kantu horiekin gorputza astindu izan... [+]


Elikagaien krisia gainditzeko, baserritarrak sustatzeaz gain kaletarrei eman aukera ortu bana edukitzeko

Familia asko betidanik saiatu dira nor bere ortu txikian osatzen etxeko janari beharrak mundu osoko hiri handi eta txikietan. Hala egiten dute Kuban bezala boikot ekonomikoagatik emergentzian bizi diren herrialdeetan, gerraren ondorio latzak nozitzen dituztenetan eta oro har... [+]


Europako Batzordeak gas kontsumoa %15ean murriztea eskatu die estatuei

Neurriak beren borondatez hartzea proposatu die estatuei, baina egoera okertuz gero derrigortzeko eskumena izatea nahi du. Espainiako Gobernua planaren aurka agertu da. Gasa ordezkatzeko ikatza, petrolioa eta energia nuklearraren erabilera indartzea proposatzen du batzordeak,... [+]


Irakurrienak
Argia buletina
Egunaren laburpena
zure e-postan
Eguneraketa berriak daude