Azaroan kendu zion dokumentazioa familiak hemeretzi urteko gazte debarrari, amarekin familia bisitatzera Saharara egindako bidaian. Saidek maiatzaren 25ean lortu zuen bere Euskal Herriko lagunekin harremanetan jarri eta laguntza eskatzea, eta hauek Ertzaintzan salaketa jarri eta kasua publiko egin dute. Zortzi hilabeteren ostean libre geratu da gaztea, ostegunean jakinarazi baitzuen dokumentazioa eskuratu duela.

Eusko Jaurlaritzako delegazioak El Diario egunkariari adierazi dionez, astean zehar Saiden askapena kudeatzen aritu dira Kanpo Arazoetako Ministerioarekin eta Fronte Polisarioarekin. Abdullah Arabi Euskadiko saharar ordezkariak egunkari berari jakinarazi dionaren arabera, ostiral goizaldean ekin dio debarrak Tindufetik Madrilerako bideari, eta eguerdirako Espainian lur hartuko du.