Ukraina, multinazionalak eta herrialde arabiarrak ardatz Askapenaren larunbateko mintegian
“Herri jantzia, garaipenaren hazia” izenburupean Askapenak mintegia egingo du larunbat honetan, hilak 10, Lasarteko EleBeltz sorkuntza eta eztabaida askerako topagunean.
10:00etan emango diete hasiera saioari Ukrainaren inguruko solasaldiarekin. Gabirel Ezkurdia analistak parte hartuko du saioan, herrialdean jokoan dagoena ulertzeko gakoak eskainiz. Transnazionalak izango dituzte ondoren mintzagai, Luismi Uharteren gidaritzapean.
Bazkariaren ostean, Palestinaren inguruan eztabaidatuko dute. Azken arabiar matxinadek izandako ondorioak aztertuko dituzte Martxelo Diazekin. Egunarekin amaitzeko, Euskal Herriko Bilgune Feministaren eskutik borroka feminista eta internazionalistaren uztarketa eta elkar eragintzaz hausnartuko dute, ariketa eta dinamika ugariren bitartez.
Maiatzaren 17an jarraipena
Formazio mintegiak maiatzaren 17an jarraituko du, beste hainbat hitzaldi eta eztabaidarekin.
Venezuela, Estatu Espainiarreko herri zapalduen borroka, XXI. mendeko sozialismoa eta Internazionalismoa izango dira solasgai. Mintegiei amaiera emateko, jaialdia egingo dute gaualdean.
Informazio gehiago:
Formazio mintegietan parte hartu nahi duenak herrijantzia@askapena.org helbidera idatzi dezake.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]