Artze omentzeko, musikari esperimentalak elkartuko dira Kafe Antzokian

  • Iazko urtarrilaren 12an hil zen Joxan Artze, euskal poesiaren XX. mendeko berritzaile nagusienetako bat izan zena. Heriotzaren lehen urteurrenarekin bat eginez, emanaldi berezia prestatu dute Bilboko Kafe Antzokian.

Gorka Bereziartua Mitxelena @boligorria
2019ko urtarrilaren 09a

Izar & Star zikloaren barruan antolatu duten emanaldiak musikari abangoardistak elkartuko ditu, Artzeren alderdi berritzaileenari gorazarre egiteko asmoz. Joseba Irazokik eta Beñat Achiaryren Bas(h)oan egitasmoak, Akauzaztek, Amorantek eta Ibon RGk bat egingo dute ostegun honetan, hilak 10, antolatu duten kontzertuan.

Robbie Basho gitarra-jotzaile eta abeslari estatubatuarraren musikak elkartu zituen Irazoki eta Achiary, 2017ko disko bitxienetako bat argitaratzeko. Geroztik, hainbat emanaldi egin dituzte Bas(h)oan diskoko folk eta blues esperimentala zabaltzeko.

Akauzazteren kasuan, sailkapen-lanak zailagoak dira: Azkoitiko taldea Euskal Herriko musika esperimentalaren zaleen artean kultuzko bihurtu da 1992an lehenbiziko maketa argitaratu zutenetik. Noise-rock eta musika industrialaren artean mugitzen dira, aldiro entzuleak harritzea lortu duen proposamenak taularatuz.

Amorante izenaren atzean berriz, Iban Urizar elgoibartarra dago, azken urteetan bakarkako proiektu honetan murgilduta dabilena: instrumentu ugarirekin igotzen da taula gainera (gitarra, ukelelea, harmoniuma, hainbat perkusio instrumentu…) eta iturri anitzetatik edaten duen proposamena eskaintzen die entzuleei.

Ibon RG-k berriz, Eten taldean egin du bere ibilbidearen parte handi bat, beste zenbait artistarekin egin dituen kolaborazioez gain (Mursego, Xabier Montoia). Bakarkako lehenbiziko diskoa argitaratzear da Sestaoko musikaria.

21:30ean hasiko da "Joxean Artze. Txoria Txori" izeneko emanaldia eta 10 euroan daude sarrerak salgai (txarteldegian 12 euroan). Lotura honetan eskura daitezke.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Joxan Artze  |  Bilbo  |  Bilboko Kafe Antzokia

Joxan Artze kanaletik interesatuko zaizu...
2019-02-26 | ARGIA
Loraldiaren bosgarren edizioak euskal kulturaz beteko du Bilbo

Astearte goizean aurkeztu da Loraldia Festibalaren bosgarren edizioa, "Sentikariz blai!" lemapean.


Joxan Artze nostalgiatik harago

Albistea urtarrilaren 12an iritsi zen erredakzioetara: “Joxan Artze hil da, euskal poesiaren berritzaile eta Ez Dok Amairuko kidea”, titulatu zuen presaz hedabide honek edizio digitalean. Geroztik pieza periodistiko ugari argitaratu dira idazlearen ibilbideaz, hedabideek osatu dute Artzeri buruzko argazki orokorra. Kointzidentziak ez dira gutxi izan. Baina, zer geratu da kanpoan? Eta zergatik? Zenbaitentzat deserosoa izan daitekeen Artze bat ere badago, aho batez txalotu duten... [+]


2018-01-28 | Jakoba Errekondo
Ez txuri ez zuri, xuri

Lore xuriak zituzten landareen izenen galdezka nuen azkenaldi honetan Joxe Anton Arze, euskal paisajista ederrenetakoa. Honezkero bere argi xuri minean da.

Poeten lilipa (Narcissus poeticus), izar-belar arrunta (Stelaria holostea), elorri zuria (Crataegus monogyna), elorri beltza (Prunus spinosa), maaltza (Pyrus pyraster), asma-belarra (Datura stramonium), oilarana (Prunus mahaleb), Portugalgo erramua (Prunus lusitanica), itsas lilipa (Pancratium maritimum) sasiakazia (Robinia pseudoakazia),... [+]


Artzeren omenezko 'Ikimilikiliklik' erakusketa otsailaren 3ra arte ikus daiteke Tolosan

Joxan Artze zendu berriaren arte ibilbidea biltzen du 'Ikimilikiliklik' ikus-entzunezko erakusketak; Tolosako Aranburu jauregian dago ikusgai, datorren otsailaren 3ra bitarte.


Joxan Artze, the innovative Basque poet, has died

Artze was an important figure in the renaissance of Basque culture from the 1960's onwards, along with other members of the avant-garde Ez Dok Amairu movement, set up in the last years of the Spanish dictatorship. Born at Usurbil, Gipuzkoa, in 1939, he died at home on the 12th of January after an illness.


Joxan Artze hil da, euskal poesiaren berritzaile eta Ez Dok Amairuko kidea

1960ko hamarkadatik aurrera euskal kulturak izan zuen berpizkundean figura garrantzitsua izan zen Artze, Ez Dok Amairuko kideekin batera. Usurbilen jaioa 1939an, ostiral honetan hil da etxean, gaixo egon ondoren.


Azkenak
EGILEA
Eguneraketa berriak daude