2020ko maiatzaren 31
ETArekin bake prozesuaz hitz egitea ez dela delitua argudiatuz, kasua artxibatu du Parisko epaile batek.
Bake prozesuaren testuinguruan atxilotu zituzten Pantxo Flores eta Ramuntxo Sagarzazu, Baigorrin, ETArekin bilduta zirenean Gendarmeek haien kontrako operazioa egin zutenean, 2015eko irailean. David Pla eta Iratxe Sorzabal ere bertan ziren. Lehen aldia da kargugabetze bat arrazoitzeko epaile eta prokuradore bat bake prozesuaren bueltan oinarritu direna. Parisko instrukzioko epaileak artxibatu egin du kasua, bake prozesuaz hitz egitea ez dela delitua argudiatuz.
Erakundeko zuzendaritzako kidetzat jo zituzten Pla eta Sorzabal, eta harrezkero preso daude biak. Datorren otsailaren 4an eta 5ean epaituko dituzte, Parisko zigor auzitegian. Flores eta Sagarzazuren abokatuek defendatu dute bake prozesuaz hitz egiteko bilduta zeudela, eta ez zekitela Pla eta Sorzabal etakideak zirenik.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
