Artejira jaialdiarekin, Donostia 2016k egoitza berria zabalduko du hilaren 28an
Ekainaren 28an, Donostiak Europako Kultur Hiriburutza eskuratu zuenetik hiru urte beteko diren egunean, 2016 Guneak ateak irekiko ditu herritarrentzat, erreferentziazko gune izateko asmoarekin.
Donostia 2016k eta Donostia Kulturak herritar guztientzako jaialdia antolatu dute egoitza berriaren irekiera-festarako. Agurtzane Intxaurraga antzerki zuzendaria arduratu da ekitaldia zuzentzeaz eta hiriko kultur-etxeek eta kultur arloko 50 profesionalek baino gehiagok hartuko dute parte.
2016 Gunearen kokapen eta ezaugarriak ezagutzera eman, hiriko eskaintza kulturala ikusarazi eta diziplinartekotasuna agerian jartzeko baliatu nahi dute eguna antolatzaileek.
Xabi Paya Donostia 2016ko zuzendaritzako kideak adierazi du ez dela egoitzan egingo den lehen ekitaldia, baina ekainaren 28tik aurrera 2016 Gunea “proiektua ikusaraziko duen lekua” izanen dela. Eraikinaren berritze lanak amaitzeko daudenez, irekiera ofiziala urrian kultur hiriburu izan diren hirietako ordezkariekin egingo den topaketan izango dela aurreratu du Payak,.
Artejira, egun osoko irekiera-jaia
Intxaurragak azaldu du Donostia hiria artez jantzi eta kaleak antzoki bihurtzerakoan, “oreka” hartu dutela ardatz, hizkuntzen, kulturen eta generoen arteko oreka, baita hiriko erdigunearen eta auzoen artekoa ere.
Zortzi auzotako kultur-etxeetan, goizean arte-espezializazioan oinarritutako emanaldiak izango dira eta jarraian bakoitzak bere ibilbidea hasiko du gunerantz. Okendon arte plastikoak landuko dituzte, Egian dantza, Amarako Ernest Lluchen literatura, Altzako Casaresen ahotsa, Intxaurrondon musika, Aieten ilustrazioa, Loiolan poesia eta Lugaritzen antzerkia.
Bakoitzak bere “jira” egin ostean, arratsaldean denek bat egingo dute 2016 Guneko emanaldi nagusian. Ane Gabarain eta Iban Garate aktoreek zuzenduko dute eta idazle, akrobata, dantzari, musikari, kirolari, artista plastiko, aktore, malabarista eta bertsolariek hartuko dute parte.
20:16etan, “Hiriburutza-urtearekin” bat egitean, festa batekin emango diote bukaera egunari.
Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]
Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]
Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]
Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.
Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.
Jaurlaritzarentzat momentu egokia dirudi probatzeko ea kulturaren gauza honek balio duen normalizazio sozial eta politikoa lortu izana poltsikoratzeko ere.
Europako hizkuntza gutxituetako hiztunen eskubideak bermatzeko sortu da Donostiako Protokoloa. Kursaal Jauregian egin dute honen aurkezpena. Kontseiluak eta Donostia Fundazioak sustatutako proiektuak 185 neurri ditu bere baitan.
Larunbatean, 11:30ean hasita zuzenean ikusi ahal izango da zuzenean ARGIAn.
Hizkuntza Eskubideak Bermatzeko Protokoloa Europako 50 bat hizkuntza komunitatetako ehundik gora eragilek sinatu dute. Abenduaren 17an, ekimenaren bultzatzaileek, Donostia 2016 Europako Kultur Hiriburuak eta Kontseiluak, Donostian aurkeztuko dute. ARGIAk streaming bidez... [+]
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostia 2016 Europako Kultur Hiriburutzak zentsuratutako lan batzuk Antiguako Txantxarreka gaztetxean jarriko dituzte ikusgai larunbatean.
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostiako udaletxearen aurrean protesta egin dute kolektibo eta eragile ugarik deituta, Demokrazia Zuzenaren Foro Globalaren irekiera ekitaldia baliatuz. “Donostia ez da eredugarria demokrazian, Donostiako Udalak jardunaldi hauen aurkezpenean dioen bezala”.
Donostiako udaletxearen aurrean protesta gisa kontzentrazioa deitu dute azaroaren 16an hiriko hainbat taldek: Satorralaia, Errausketaren Aurkako Mugimendua, SOS Miracruz 19, Stop Desahucios, Eleak/Libre, LAB. EH Bildu eta Ahal Duguk ere babesa adierazi dute. Egun horretan... [+]