Emakume bat eta bere seme-alabak kaleratu dituzte Artean
Arteako emakume baten eta bere seme-alaben etxe kaleratzea zegoen aurreikusita gaurko. Igorreko Kiñu Gaztetxeak kaleratzea gelditzeko erresistentzia deialdia egin du, eta hainbat pertsona hurbildu diren arren kaleratzea gelditzera, gauzatu egin da etxe kaleratzea.
Maiatzaren 4ko data zeukan Arteako Itziar eta bere seme-alaben etxe kaleratze aginduak, eta 13:00ak alderako zegoen aurreikusia. Hala jakinarazi zuen Igorreko Kiñu Gaztetxeak, etxe kaleratzea gelditzeko erresistentzia deialdia zabaltzearekin batera.
Gaztetxeak publiko egindako oharrean jasotzen zenez, Itziarri bere etxebizitzaren jabetzaren erdia dagokio, eta etxea ordainduta dago. Halere, Itziar eta bere seme-alabak –horietako bi adin txikikoak– etxe kaleratzea izan da epaitegietan hartutako erabakia.
"Ez dogu onartuko guztiz funtsezkoa den etxebizitzarako eskubidea urratzea", zioten gaztetxeko kideek kasuaren berri emanez argitaratutako oharrean. Etxe kaleratzea gelditzeko asmoz, erresistentzia deialdia egin zuten.
??ADI!??
Eguaztenean Itziar eta bere hiru seme-alabak etxetik bota gura ditue 13:00etan.
?EZ DOGU ONARTUKO
Eguaztenean danok Arteara! 10:30ean udaletxe aurrean!#kaleratzerikez #gelditukodogu pic.twitter.com/2dvl4N75fm
— KIÑU GZTX - Igorre (@kinugaztetxea) May 2, 2022
Oharrean adierazi bezala, hainbat pertsona gerturatu dira udaletxe parera goizeko 10:30etan; 50 pertsona inguru, begitu.eus-ek jaso duenez. Handik Itziarren etxe parera joan dira, eta jende gehiago joan da batzen kaleratzea geldi asmoz, Galdakaoko Etxebizitza Sindikatuaren bideo honetan antzeman daitekeenez:
Duintsuna Artean! Geroz eta jende gehiago etxea defendatzen.#ItziarEzDoa #GelditukoDogu pic.twitter.com/qZC2SzK5BO
— Galdakaoko Etxebizitza Sindikatua (@GESelkarlaguntz) May 4, 2022
Ordu biak aldera jakinarazi du etxebizitza sindikatuak Ertzaintza bertaratua zela. Ordurako jendea Itziarren etxeko atarian zegoen eserita, erresistentzia gauzatzeko prest. Hala eman dute tarte bat, indarrez, poliziak pertsonek osatutako harresia desegin arte. Erresistentzian aritutako pertsona bat atxilotu dute.
#ItziarEzDoa pic.twitter.com/3w3JUY3b1k
— Galdakaoko Etxebizitza Sindikatua (@GESelkarlaguntz) May 4, 2022
Ostean Itziar eta haren seme-alabak kaleratu dituzte.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.