Arrasateko Eroskitik eta Alcampotik produktu israeldarrak kentzea lortu dute, orain Lidl eta BM-n gauza bera nahi dute
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
aurre egingo dieten hedabide independenteak
Arrasateko BDZ taldeak -Boikota, Desinbertsioak eta Zigorrak- maiatzean israeldar jatorriko produktu bat kentzea lortu zuen Douglas lurrindegitik. “Lehen garaipena eta gero”, bigarren urratsa eman dute: Supermerkatuetan made in Israel, origen Israel eta 729 kode barrarekin hasten diren produktuak identifikatu eta gero, produktu horiek kentzeko eskaera egin diete. Orain emaitzaren berri eman dute ohar bidez.
Musakolako Eroskiak Israelen ekoitziak diren datilak kendu ditu, baita Garden Gourmet markako produktu bat ere. Berriro ez ekartzeko konpromisoa hartu du. Zerrajerako Garden Gourmet markako produktu bera, behin saltokian jada dutena saldu eta gero berriro ez ekartzeko konpromisoa hartu du. “Eroski herriko komertzio handiena eta erreferentea izanik, pozgarria izan zen guretzako berria eta garaipen garrantzitsua izan da”, jakinarazi du taldeak. Alcampok antzeko jokatu du: Israelen ekoitziak diren datilak kendu, eta berriz ez ekartzeko konpromisoa hartu du.
BMk eta Lidlek ez dute produkturik kendu. BMn, Garden Gourmeten produktua, BM markako pipak, BM markako Medjoul datilak eta ahuakatea dira Israelen ekoitziak. Lidlen, Medjoul datilak eta Lupilu toallitak ekoitzi dituzte Israelgo Estatuan.
Elkarretaratzea deitu dute ostiral honetarako
Ezezko erantzun hori jasota, urriaren 11an arratsaldeko 18:00etan elkarretaratzera deitu du BDZk Lidl parean, BMk eta Lidlek Israelen ekoitziak diren produktuak ken ditzaten eskatzeko. “Produktu horiekin Palestinako genozidioa, Libanoren aurkako erasoak eta beste hainbat herriren aurkako bonbardaketak finantzatzen direlako. Arrasateko BDZtik herriari produktu hauek eros ez ditzaten eskatzen diogu, konturatu gabe genozidioaren konplize bilakatu ez gaitezen. Produktu hauek kentzeko eskaera egiten diegu Lidl eta BM supermerkatuei”. Honela, “produktu hauei boikota egiteko deia” egiten dute, bai BDZri Israelen ekoitzitako produktuen berri ematen, baita mobilizazio eta ekintza desberdinetan parte hartzen ere.
Lehen alea landatuta
Aurtengo maiatzean lortu zuen Arrasateko BDZ taldeak Douglas dendatik israeldar jatorriko produktuak kentzea. “Produktua Itsaso Hileko gatz mineralak dira, Alma-K markakoa”, azaldu zuen taldeak. “Goiena” medioan argitaratu zutenez, produktua dendetatik kentzeko eskaera egin zioten arduradunari, bai eskutitz bidez baita harekin hitz eginez ere. Produktua kentzeko epe bat zehaztu zuten, eta produktua kentzen ez zutela ikusita, boikot kanpaina abiarazi zuten. Kontzentrazioa egin zuten dendaren aurrean, eta lortu egin zutela jakitera eman zuten hurrengo egunean. Ohartarazpen bat egin zuten, halere: "Gure herritik produktua kentzeak ez du esan nahi ez dutenik salduko. Douglas kateko dendetan oraindik ere aurki daiteke, baita interneten ere” .
"Gaurkoan lehen alea landatu dugu. Argi geratu da boikotaren bidea jorratu behar dela eta produktuak banan-banan kentzeko lana dela bidea. Denaren aurka ezin da egin. Guk hori argi dugu. Produktuak banan-banan identifikatzeak eta hauek seinalatu eta boikotatzeak garaipena ekarri du", adierazi zuen Arrasateko BDZk maiatzean. Orduan landatutako aleak fruitu berriak eman ditu udazkenean.
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
KKRk urtarrilean erosi zuen Superstruct sustatzailea, Sónar, Viña Rock edo Resurrection Fest jaialdiak sustatzen dituena besteren artean. Palestinaren kolonizazioari lotutako higiezin-jardueretan eta Israelgo sektore teknologikoan parte hartzeagatik seinalatu dute... [+]