ARGIAren Interneteko guneak %20 gutxiago jaso du Jaurlaritzaren diru laguntzetan
ARGIAren sareko edizioak %20ko murrizketa izan du aurtengo Eusko Jaurlaritzaren diru laguntzetan 2013an jasotako kopuruarekin alderatuta. Paperezko edizioaren laguntzak antzera mantendu dira, jaitsiera txiki bat izan den arren.
20.929 euroko laguntza jasoko du ARGIA.eus-ek 2014an, iaz baino 5.146 euro gutxiago. Paperezko edizioak berriz 351.723 euro jasoko ditu, iaz baino 930 euro gutxiago.
Albisteak kezka sortu du ARGIA egiten duen lan taldean, Interneteko edizioa komunikazio proiektu honen ildo estrategikoetako bat delako eta webgunea indartzeko egindako ahaleginek ez dutelako diru laguntzetan islarik izan.
Bestelako diru laguntza politikaren premia
Euskararen normalizazioak ezinbestekoa du hedabideen sektore indartsua, are gehiago aurrean daukagun erronka digitalaren aurrean.
Egungo diru laguntza ereduak, ordea, ez du horrelakorik bermatzen, esparru honetako hedabideek behin baino gehiagotan azpimarratu izan duten moduan. ARGIAko lan taldeak ere uste du bestelako diru laguntza politika beharrezkoa dela euskara komunikazio publikoan normalizatu ahal izateko.
Gaur egun indarrean dagoen urtez urteko diru laguntza deialdien politikak ezegonkortasuna sortzen du enpresetan. Eta ebazpena aurten bezala urrian etortzen denean, maniobrarako aukera gutxi geratzen da urteko kontuak orekatzeko.
ARGIAk apustu digitalarekin segiko du
1997an webgunea zabaltzean, paperezko proiektua izatetik euskarri anitzeko hedabide bihurtzeko apustua egin zuen ARGIAk, mende berrian euskararen sareko presentzia hizkuntzaren normalizazioarentzat giltzarri izango zela sinetsita.
Garapen handia izan du webguneak 2014rainoko tarte honetan, baita hedabideak Interneten duen presentzia orokorrak ere. Apustu horren erakusgarri da, besteak beste, euskarazko Twitter erabiltzaileen jarduna neurtzen duen Umap atariko rankingean ARGIA dela liderra albiste hau ematen ari garen astean.
Norabide horretan jarraitzeko asmoa dauka ARGIAko lan taldeak, aurten espero genuena baino laguntza publiko txikiagoa jasoko dugun arren.
ARGIA zaleen txanda
Horregatik, ARGIA.eus irakurtzen eta estimatzen dutenei proiektu hau ekonomikoki babesteko deia luzatu nahi die hedabide honek, horretarako dauden aukerak Piztu Ezagu Argian borondatezko ekarpenak egitea edo aldizkaria harpidetza bidez babestea direla gogoraraziz.
ARGIA zaleon laguntza ezinbestekoa da egunero informatzen jarraitu ahal izateko.
Aurreneko aldiz Euskaraldiaren barruan Hikaldia egingo da. 83 herrik eman dute izena. Iaz hitanoa bultzatzeko sortu zen ZirHika talde eragileak antolatu du ekimena, Tauparekin batera. Patxi Saez Beloki ZirHika taldeko kidea elkarrizketatu dugu. Bi helburu dituzte estreinaldian:... [+]
Sorionekuak mugimenduak larunbaterako mobilizazioa deitu du. Goizean herriz herri Nafarroako zubietan elkartuko dira eta arratsaldean Iruñean manifestazioa abiatuko dute, Kostarapea parketik (Trinitarios-Tren parkea) abiatuta 17:30ean. Ireki ateak euskarari lelopean... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Euskaraldiaren laugarren edizioaren bezperatan egon gara Goiatz Urkijorekin. Hirugarrenean apalaldia sumatu zuten; bigarrena pandemia betean egin izanak ez zuen askorik lagundu. Aurtengoa herrikoiagoa eta ilusionagarriagoa izatea dute helburu. Oraingoz pozik daude tokian tokiko... [+]
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]
Euskalgintzak Senpereko Larraldea etxea faltan botako du. Uda gabe, Bertsularien lagunak, bertan gelditzen den azken elkarteak, lekuz aldatuko du eta etxea hetsiko dute. Euskararen, euskal kulturaren eta arteen ohantzea izan da Larraldea, urte luzetan Andoni Iturrioz mezenasak... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Gasteizen egin duten ekitaldian ireki dute izen ematea, laugarren edizioa hasteko bi hilabete falta direla. Erakundeetako ordezkariak, herritarrak eta entitateetako kideak agertu dira, besteak beste. Euskaraldiaren koordinazioa Euskal Herriko erakunde publikoen eta Taupa... [+]
Korrikaren "bihotza eta burua" erakutsiko ditu dokumentalak. Proiektua gauzatzeko, herritarren babesa "ezinbestekoa" izango dela adierazi dute AEK eta Mirokutana ekoiztetxeak, eta apirilaren 25era bitartean crowdfunding kanpaina bat abiatuko dute jalgihadi.eus... [+]
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Otsailaren 28an Hendaian eman dio hasiera kanpainari Herri Urratsek. Euskararen transmisioa bermatzen duen Seaska babestea da helburua.