"Argi geratu da hezkuntza eredu hau agortuta dagoela"

  • Espainiako Estatuan ikasturte amaiera zein izango den aurreratu zuen asteazkenean Isabel Celaá Hezkuntza ministroak, eta “erabaki guztiak Madriletik datozela” salatu du LAB sindikatuak. Horrez gain, hezkuntza komunitateari baino, programazioari begirako irtenbidea bilatu dutela uste du sindikatuak.


2020ko apirilaren 16an - 13:56

Eta behar emozionalak, zer?

Ikasleen konfinamenduari aipamenik ez zaiola egin kritikatu du LABek, “haurren bizitzetan eraginik izango ez balu bezala. Ez dute egin behar emozionalak lantzeari begirako inolako ekarpenik, ezta haurrek behar izango duten osatzeari buruzkorik ere”. Argi du LABek: hori izango da hezkuntza komunitatearen etorkizuneko erronka.

Arrakala digital eta sozialaren areagotzeari ere aurre egin behar zaio. Agintariek onartu dute tele-irakaskuntzaren ondorioz arrakala horretan sakondu dela eta hortaz, ikasle guztien hezkuntza-eskubidea ez dela bermatu nabarmendu du sindikatuak.

Udan ikastetxeak irekitzeaz

Espainiako Gobernuak aukera eman du ikastetxeek ateak ireki ditzaten udako oporretan, nahi duten ikasleak joateko. Ez dela planteamendurik egin, programa ez dela zehaztu eta plantilletan izango duen eragina ez dela kontuan hartu azpimarratu du sindikatuak.

Ebaluazioa, betiko lepotik burua

Ebaluazio jarraia egingo dela iragarri arren, ohiko irakaskuntza-ereduari eutsiko zaiola kritikatu du LABek: konpetentzietan oinarritutako ebaluzioa egin ordez, edukietan jarriko baita arreta, “oinarrizko edukiak lortu diren ala ez ebaluatuko da”. 4. DBH-ko, 2. Batxilergoko eta Lanbide Heziketaren 2. mailako azterketak mantenduko dira eta unibertsitatean sartzeko selektibitate probarekin ere aurrera egitea da asmoa; “ez dute kontuan hartu konfinamenduak ikasleengan duen eragina”. Ipar Euskal Herrian egin duten moduan, unibertsitatera sartzeko proba bertan behera utzi beharko litzatekeela iritzi dio LABek.

Horren guztiaren aurrean, “hezkuntza eredu propio burujabea behar dugu, euskal eskola publiko komunitarioaren bidean”, aldarrikatu du.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude