Arcelor Olaberriako langile bat hil da lantegi aurrean auto batek harrapatu ostean

  • Astearte gauean gertatu zen ezbeharra, emakumea Arcelor Olaberriako lanpostutik ateratzerakoan. Asteazken goizean hil da, harrapatzeak eragindako zaurien ondorioz.


2022ko otsailaren 02an - 13:33
Azken eguneraketa: 14:46
Argazia: LAB sindikatua

Arcelor Olaberriako lanpostutik parkinera oinez zihoan langilea, lanetik atera berritan, eta orduan harrapatu zuen auto batek, errepidea zeharkatzen duen zebrabidea gurutzatzen ari zela. Izan ere, Arcelor Olaberriako langileek lantegitik kanpo dagoen parking publiko bat erabiltzen dute autoak uzteko, eta autobide azpian propio egindako zebrabidea zeharkatu behar dute lantegira sartzeko.

LAB sindikatuak jakinarazi du lanak sorturiko aurtengo seigarren heriotza. Lantokiko delegatuei eta afiliatuei esker izan du sindikatuak gertatutakoaren berri, salatu dutenez, Osalanek eta patronalak ez baitu informaziorik eskaini. Era berean, istripua eremu publikoan gertatu den arren egunero errepikatzen den ohiko ibilbidea denez heriotza hau "in-intinere" gertatutakoa ez dela azpimarratu du sindikatuak.

Zebrabide horrek zituen arriskuak, argiztapen eza, besteak beste, ezaguna zela nabarmendu du LABek, eta enpresak egindako arriskuen balioespenean kontuan hartu beharrekoa zela, lantegiaren eremukoa balitz bezala. Horregatik guztiagatik, heriotza lan istripu gisa ikertzeko eskatu dio sindikatuak administrazio publikoari, eta ez "in-itinere" gisa.


Kanal honetatik interesatuko zaizu: Lan istripuak
2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


2024-01-22 | ARGIA
Lau langile hil ziren Euskal Herrian aurreko astean

Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.


2024-01-18 | ARGIA
Behargin bat hil da Errenterian aldamio batetik erorita, urteko zazpigarrena

Urtea hasi denetik lanean hildako zazpigarren langilea da. Astebeteko epean, bost behargin zendu dira.


Eguneraketa berriak daude