Aralarren pista eraikitzeko egitasmoak natur zaleak mugiarazi ditu berriz ere
Hondeamakinak natur parkean lanean hasi direla salatu dute eta mobilizazioak antolatu dituzte. “Artzaintzaren ofizio zaharrean bizi-kalitatea bermatzeko badira aztertu ez diren alternatibak”, diote.
Enirio-Aralar Manomunitateak eta Gipuzkoako Aldundiak mendizerran barrena 4,4 kilometroko pista egiteko proiektuak berehalako oposizioa izan du mendizale eta ekologistengandik. Instituzio hauen asmoa da Aralarren aritzen diren artzainek txaboletara irismen hobea izan dezatela azpiegitura horren bidez –zenbaitek kilometro ugari egin behar izaten dute haietara ailegatzeko–. Ekainean argitaratu zuten ingurumen-inpaktu azterketa eta hondeamakinak lanean ikusi dira egunotan.
Mankomunitateak batzarra egin zuen asteazken arratsaldean eta erabaki du pista txabola guztietara eramatea, 1.120 metrora dagoen Saltarriraino –orain arte Goroskintxura dauden 1,5 kilometroak baino ez zeuden onartuta–. Nolanahi ere, bozketan ez da adostasunik izan eta 15 ordezkaritik bostek kontrako botoa eman dute eta beste bat abstenitu egin da.
Landarlan natur taldeak salatu duenez ingurumen-inpaktu azterketak ez ditu betetzen lege-eskakizun ugari eta proiektuak kalte larriak ekarriko ditu Aralargo paisaian, lurzoruan eta faunan: “Aralar zeharo artifizialduko dute, lehendik oso urbanizatuta dagoen lurralde batean”.
Pistak 3 metro zabal izango ditu eta Aralar osoa zeharkatuko du: “Zenbait zatitan 96 metro luze eta 5 metro garaierako harri-lubetak egingo dituzte” azaldu du proiektuaren kontra dagoen Naturkon Gipuzkoako natur elkarteen koordinadorak.
Aranzadi 2002an: “Artzaintzak Aralar urbanizatuko du”
Ekologisten aburuz badaude alternatibak artzainen jarduna eta “bizi-kalitatea bermatzeko”, hala nola txabolak tokiz aldatzea, beldar-kate bidezko garraioa, airetik egindakoa… Hori baieztatzeko Aranzadi Zientzia Elkarteak 2002an Eusko Legebiltzarrean aurkeztu zuen proposamenean oinarritu dira.
Aralarren pistak eraikitzeko egitasmoa ez da herenegungoa. 2002an ere eztabaida bera zebilen, bai kalean eta baita Legebiltzarrean ere. Aranzadik etxe horretan azaldu zuenez (pdf) nazioarteko araudietan gomendatzen da natur parkeetan kilometro koadroko 0,6 kilometro pista egotea, eta Aralarren 1,1 kilometro daude: “Artzaintzarekiko oso sentsibilizaturik gaude, indusketak egin eta bere sorrera ere ikertu dugu. Eta, aldiz, iritsi gara maila batera artzaintzak Aralar urbanizatuko duena, natur parkea, eta orain arte ezagutzen genuen oreka hautsiko du”.
Aralarren Saltarrira arte pista eraikitzen hasteak berriz mugiarazi ditu natur zaleak. Landarlanek deituta hamarnaka lagun bildu ziren asteazkenean Ordizian pistaren proiektuaren kontra eta urriaren 23an ibilaldia antolatu du Aralarrera, Eguzkik eta Ekologistak Martxanek lagunduta. Ordiziako Mendizaleak, Usurbilgo Andatza, Donostiako Bidebieta eta beste hainbat elkarteren babesa ere badu deialdi honek.
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Ohartarazi du ChatGPT lanketa emozional “sakonak” egiteko erabiltzea “arriskutsua” izan daitekeela ez duelako erabiltzailearen testuingurua ezagutzen eta “gehiago biktimizatu” dezakeelako.
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]
Zer: Orquesta de la Comunitat Valenciana.
Zuzendaria: Mark Elder. Donostiako Orfeoia.
Zuzendaria: José Antonio Sáinz Alfaro.
Bakarlariak: Federica Lombardi (sopranoa), Paula Murrihy (mezzoa), Xabier Anduaga (tenorea), Will... [+]