AHTaren egitasmoaren gaineko mozioa eta honi egindako emendakinak eztabaidatuko dituzte Arabako Batzar Nagusietako talde politiko desberdinek gaur, hilak 17. Abiadura Handiko Trenaren aurkako plataformek testuinguru hori baliatu nahi izan dute proiektua geldiarazi eta inbertsioa gastu sozialera bideratzea eskatzeko. Araban 3.000 milioi eurotik gorako kostua izango du AHTak.
Gaur, uztailak 17, Osoko Bilkura egingo dute Arabako Batzar Nagusietan eta Abiadura Handiko Trena izango da eztabaidagai nagusietako bat. Arabako Alderdi Popularrak mozioa aurkeztu du “Gasteizekiko abiadura handiko konexioa bizkortzeko beharrari buruz”, gainerako alderdi politikoek PPren mozioari emendakinak aurkeztu dituzte ere.
Testuinguru horretan AHTaren aurkako Arabako plataformek Batzar Nagusiei eskatu diete egitasmoa gelditu eta trenaren inbertsioa gastu sozialetara bideratzeko. Abiadura Handiko Trena arbuiatu eta egungo trenbide-korridoreak hobekuntza egokiekin erabiltzea galdegin diete alderdi desberdinei.
AHTaren aurkako plataformek Europako Kontuen Auzitegiak duela aste batzuk berretsitakoa gogorarazi dute eta egungoa bezalako egoeretan “horrelako proiektuen zentzugabekeria” salatu nahi izan dute. Gobernu desberdinek urteetan osasungintza eta gizarte-zerbitzuak bezalako arloetan murrizketak egin dituzten bitartean AHTa bezalako azpiegituretako aurrekontuak hazi baino ez dira egin.
3.000 milioi euroko kostua
Espainiar Estatua da biztanle bakoitzeko abiadura handiko kilometro gehien dituen estatua; trenaren erabilerari dagokionean, ordea, azken postuan kokatzen da kilometro bakoitzeko bidaiari ratiorik baxuenarekin. Europako garraio Batzordetik jasotako kritikek ere ez dute Espainiar Gobernua geldiarazi eta tren-korridore berriak eraikitzen jarraitzen du “kontu publikoetan egindako gastu izugarria zein ingurumenaren eta lurraldearen aurkako erasoa justifikatzen duen inolako txosten edo azterketarik gabe” adierazi dute Arabako plataformek.
Arabako AHTaren hiru lineen proiektuak ingurumen-inpaktuen ebaluazioaren zain daude. Proiektuak orotara, gain-kosturik ez izatekotan, 3.000 milioi euroko kostua izango du Araban: Burgos-Gasteiz lineak 1452 milioi euro, Gasteizko sarrerak eta honen lurperatzeak 872 milioi euro eta Gasteiz-Iruña lineak 850 milioi euro.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]