Behe Bidasoa eskualdean, mugako bi aldeetan emititzen duen Antxeta Irratiak datorren urteko otsailaren 14an 10 urte beteko ditu. Baionako Entzun Ikus eta Irungo Pausu Elkarteen artean sorturiko irratiaren urteurrena ospatzeko zenbait ekimen antolatzen hasiak dira, Entzun, esan adierazi... Antxeta Irratia luzaroan bizi! kanpainaren baitan. Logotipoa eguneratzeko eta irrati-nobela lehiaketak, mugimendu feministarekin batera autodefentsa tailerrak, Europa mailako I. irrati topaketak... asko dira hil honetan hasi eta hurrengo urteari begira antolatu dituzten ekimenak. Informazio gehiago irratiaren webgunean eskura dezakezue.