ARGIA.eus

2022ko azaroaren 30a

Ama bakar izatea, ugaritzen ari den hautua

  • 2019tik hona, laukoiztu egin da ugalketa lagundu bidez bikotekiderik gabe ama izateko prozesua egiten dutenen emakume kopurua Gipuzkoan. El Diario Vascok emandako datuak erakusten du tabu sozialak gainditu eta familia eredu berriak leku egiten ari direla gizartean.

Vecteezy
2022ko irailaren 27a - 10:09

Egunkari gipuzkoarrak dio batez beste 34 urterekin doazela Donostiako ugalkortasun klinikara, eta 40 urtera arteko emakumeak izan ohi direla: umea izan nahi duten baina bikotekiderik ez duten emakumeak, edota umerik nahi ez duen bikotekidea izan duten emakumeak.

Erreferenteak eta oztopoak

Familia eredu tradizionaletik aldentzen diren hautuak pixkanaka tabu izateari uzten ari zaizkiola islatzen dute datuek –Gipuzkoatik kanpo ere berdina baita joera–. Bide horretan, erreferenteen garrantzia azpimarratu zuen Argian Raquel Orgillés ama bakarrak, eta gero eta gehiago izateak laguntzen die aukera hori buruan dutenei.

Gure gizartearen egiturak, baina, familia tradizionala du oinarri oraindik, eta ume jaio eta berehala bizi dute hori gurasobakarrek: bikotekiderik gabe guraso izatea erabakitzen dutenei amatasun baimena baino ez dagokie Hego Euskal Herrian, umea duten bikoteek epe luzeagoa eskaini diezaioketenean haurra lehen hilabeteetan zaintzeari. Ama bakarrek justiziara jo dutenean, bikotekide biei batera dagokien egun kopurua lortu izan dute jaioberria zaintzeko, bestela haurrak tratu diskriminatzailea jasotzen duela ulertuta, baina hainbatek ez du epaitegietara jotzeko baliabide, aukera edota indarrik. Eta legeak jaso beharreko eskubidea dela aldarrikatzen dute gainera.

Egunerokoan ere, adibideak ugariak dira, gure egitura administratibo, ekonomiko eta sozialak oraindik ere gurasobakarrak aintzat hartzen ez dituela errepikatzen digutenak.

Kanal hauetan artxibatua: Familia  |  amatasuna

Familia kanaletik interesatuko zaizu...
Materialismo histerikoa
Denbora

Beste behin ere, astea berandu hasi dut, aurrekoaren zipriztinez beteta, eta asteburua izan denik ohartu gabe. Amatasunari buruzko jardunaldi batzuetan izan naiz, eta orduko hitzak dira daramadan zipriztin arinena. Edo ez. Entregatu gabeko lanak, umearen arropa, prestatuta behar... [+]


2022-11-16 | ARGIA
Lan txanda aldatzeko eskubidea onartu dio justiziak emakume bati, semeak zaindu ahal izateko

Ama bakarra den gasteiztar batek arratsaldeko lan txandatik goizekora aldatzeko eskatu zion Correos enpresari, bi semeak zaindu ahal izateko; ezezkoa jaso zuen arren, epaitegi batek eskubide hori onartu dio orain. Beste enpresa batzuei aplika daitekeen aurrekaria ezartzen du... [+]


2022-10-26 | ARGIA
Adineko emakumeek jasaten duten indarkeria matxista detektatzeko gida aurkeztu dute

Emakundek diruz lagunduta eta EDE Fundazioaren parte-hartzearekin, Suspergintza erakundeak gida bat osatu du adineko emakumeek bikotearengandik edo bikote ohiarengandik pairatzen duten indarkeria matxista detektatzeko eta egoera horietan esku-hartzea bultzatzeko.


2022-10-16 | Saioa Baleztena
Daybelyn Juares. Zaintza duinak aldarri.
“Zaintzaileon borrokak ez du lehentasunik feminismo hegemonikoarentzat”

Dabeylyn Juares (Alianza, Honduras, 1992) aktibista eta gizarte integratzailea da La Violetan, Bartzelonako ASSIS harrera zentroak kudeatzen duen inklusio bizitegi-zentroan. 2015ean Bartzelonara migratu zuen eta orduz geroztik zaintzari lotutako lanak egin ditu, ikasketekin... [+]


2022-10-02 | Leire Artola Arin
Xabier Monreal, Babestu Elkarteko eta Zaintza Babesten federazioko kidea
"Zahartuta dagoen gizarte batean bizi gara, baina fokua ez da adinekoengan jartzen"

Irailaren 17an manifestazio jendetsua egin zuten Madrilen, Beste zaintza eredu bat posible da lemapean. Estatuko Plataforma osatzen duten zaharren egoitzetako senideen elkarteek deitu zuten, tartean Zaintza Babesten federazioak. Instituzioei zein herritarrei argi utzi diete... [+]



Irakurrienak
Argia buletina
Egunaren laburpena
zure e-postan
Eguneraketa berriak daude