‘Alea’ Arabako euskarazko astekari berria kalean da jada
Alea astekariaren proiektua Geu Gasteiz Euskalduna elkarteak, Goienak eta Berriak jarri dute abian, bi helbururekin: euskararen erabilera eta presentzia areagotzea eta euskarazko informazioaren bitartez lurraldea kohesionatzea.
Araba osoan banatuko da ostiralero, eta 32 orrialde koloretan izango ditu.
Lehen zenbakian askotariko gaiak jaso dituzte, Berriako kazetari Urtzi Urkizuk nabarmendu duen bezala: erreportaje nagusia Araba 2105 egitasmoaren inguruan egin dute; elkarrizketa luzea Pascual Borja Gao Lacho Drom elkarteko lehendakariari egin diote; Arabako kuadrilletako berrien artean Laudioko baserritarren merkatu berria eta Gasteizko Errota auzoaren zaharberritze plana daude; kulturari eskainitako tartean, Korrika kulturala izan dute hizpide, eta abar.
