Poloniarren %61,1ak hartu du parte hauteskundeetan. Bigarren indarra Koalizio Hiritarra izan da eta zentro-eskuineko koalizio horrek botoen %26,8 lortu du. Hirugarren tokian gelditu da Lewika ezkerreko koalizioa botoen %12,3rekin. Laugarren tokian gelditu da PSL/Kukiz’15 nekazarien alderdia eta botoen %8,6 jaso du. Seigarren ultraeskuindarrak izan dira eta lehen aldiz sartu dira parlamentuan. %6,8 lortu dute.

Hauteskundeak bigarren aldiz irabazi dituen alderdiaren hainbat erabakik Europar Batasuna bera ere asaldatu izan du. Besteak beste Auzitegi Gorena erreformatu zuen eta horren arabera auzitegia kontrolatzeko ahalmena izango luke gobernuak. Etorkinen, homosexualen eta emakumeen eskubideen aurkako diskurtsoa izateagatik ezaguna izan da PiS alderdiaren gobernua.

Era berean, neurri sozialen bitartez herritarren babes handia lortu dute. Neurri entzutetsuenen artean dago ume bakoitzeko diru-laguntza. 18 urte arte hilean 100 euro jasoko du haur bakoitzak. Duela gutxi errentaren gaineko zerga ezabatu du 26 urtetik beherakoentzat. Hauteskunde kanpainan ezohiko ordainak agindu dizkie pentsiodunei, osasun arloan gehiago inbertituko dutela adierazi dute eta gutxieneko soldata 2023rako 925era igoko dutela agindu dute.

Langabezia %5ekoa da Polonian eta Europar Batasuneko seigarren potentzia.