‘Alardearen seme-alabak’ estreinatuko dute gaur Giza Eskubideen Zinemaldian
Donostiako Giza Eskubideen XI. Zinemaldiaren baitan, Alardearen seme-alabak filma estreinatuko dute gaur arratsaldeko 19:00etan, Victoria Eugenia antzokian. Jone Karres eta Eneko Olasagastik zuzendua, emakumeek Irun eta Hondarribiko Alardeetan duten parte-hartzeari buruzko 75 minutuko dokumentala da eta ostegunean berriz emango dute, izan duen eskaera handia dela-eta.
Emakumeak Alardean parte hartzeak eragindako sentimenduak eta eztabaida aztertu ditu dokumentalak eta hiru zatitan dago banatuta: lehen zatian, Alardearen historia, egitura eta ezaugarriak azaltzen dira; bigarrenean, gatazkaren hasiera eta honek 90eko hamarkadan izan zuen garapena; eta hirugarrenean, gaur egungo egoera kontatzen du, festaren orainaz eta etorkizunaz gogoetatuz.
Dokumentalaren aurretik Pello Gutierrezek zuzendutako Abuztua film laburra (2013) eskainiko dute eta dokumentalaren ondoren berriz, solasaldia izango da zuzendariekin eta Xabier Kerexeta eta Ixabel Alkainekin (biak ere Alarde Publikoaren aldekoak).
Eneko Olasagastik Berria egunkarian kontatu duenez, dokumentalean azaldu nahi izan dute "kanpokoa izanda ere uler daitekeela Irunen eta Hondarribian gertatzen dena". Gaineratu du gustatuko litzaiokeela "dokumentala baliagarria izatea bi aldeek elkar ulertzeko", baina aldi berean, emakumeen eta gizonen arteko berdintasuna "oso urrun dago oraindik. Ondorio hori atera dut".
Arrieta Metodoa
Ostiralera arte jarraituko du hilaren 19an abiatu zen Zinemaldiak. Aipagarria da larunbatean estreinatu zuten Arrieta Metodoa dokumentala, Jorge Gil Munarrizek zuzendua. Gorputzeko mugimenduak kontrolatzeko arazo batek elbarri utzi ondoren, begien mugimenduaren bidez airean letrak idatziz elkar komunikatzen diren ahizpen egunerokoa kontatzen du filmak. Honi buruz, Komunikatzeko beharraren abentura erreportajea kaleratu genuen Argian, baita ahizpen inguruko bideo-erreportajea ere.
Pelikulez gain, musika, tailerrak, mintegiak, erakusketak eta jolasak ere antolatu dituzte egun hauetarako.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]