Indarkeria sexistarik gabeko gunea jartzeko eskatu dio Hondarribiko Udalak Emagin elkarteari. Elkarteak alardearen gaia gunean sartzeko asmoen berri eman dionean, atzera egin du.
Formazio eta ikerketa feminista egiten du Emaginek, eta eskaintzen dituen baliabideen artean jaietara bideratutakoak ere badituzte, indarkeria sexistarik gabeko gunea kasu. Herriz herri eta jairik jai, indarkeria sexistaren gaineko kontzientziazioa lantzen dute gunearekin. Bereziki neska gazteei zuzendua dago, eta autodefentsa feminista ardatz, indarkeriari aurre egiteko bitartekoak erraztea bilatzen du. Jaietan “babes zein elkartasun gunea irudikatzea” bilatzen dute.
Iaz bezala, aurten ere Hondarribiko jaietan gunea jartzeko eskatu dio elkarteari Hondarribiko Udalak. Emaginen baldintza batek atzera bota du udala ordea.
Berriari zer gertatu den azaldu diote: iaz Hondarribian beren zerbitzua eskaini eta gero, alardearen gaia tarteko, autokritikari bide eman zioten. “Konturatu ginen ez genuela lotu Alardearekin dugun gatazka indarkeria sexistarekin”, azaldu diote Garikoitz Goikoetxea kazetariari. Aurten ere gunea jartzeko eskaera jaso ostean, udalari erantzun zioten alardearen gaia gunera eramateko asmoa zeukatela, “guretzat ezinbestekoa baita indarkeriaren egiturazko izaera lantzea”. Elkarteak bere asmoak mahaigaineratu ostean, udalak atzera egin du kontratazioan.
Udalaren jarrera kritikatu du Emaginek: “Bermatu beharko luke emakumeok bizitzako eremu guztietan parte hartzeko dugun eskubidea, aurpegia zuritzeko ahalegin faltsuetan denbora galdu gabe”. Bide batez, indarkeria sexistarik gabeko gunea jarriko ez duten arren, irailaren 8an bertan izango direla azpimarratu dute, Jaizkibel konpainiari babesa helarazten.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.