ARGIA.eus

Itzulpen automatikoa / Machine translation

'Alarde antifaxista' antolatuko dute Urriaren 12an Bilbon

  • Sare Antifaxista plataformak antolatutako manifestazioan jai egun arrotzei uko egitea aldarrikatu, eta Espainiako Gerra Zibilean egon zen erresistentzia antifaxista omenduko dute.

Argazkia: @Antifaxismoa

2019ko urriaren 10an - 16:31

Espainiako Estatuan "Hispanitatearen eguna" ospatuko duten bitartean, Sare Antifaxistak egun horri bizkarra emateko alarde antifaxista egingo du. Bilboko Jesusen Bihotza plazatik hasiko da, eta hiriko kale nagusia zeharkatuko du. 18:30ean hasiko da manifestazioa, eta bertan Eusko Gudarostea omenduko dute.

1936-1939ko erresistentzia antifaxistan parte hartu zuten miliziano eta gudarien antzera jantzita aterako dira batzuk, eta horien atzetik joango da manifestazioa Arriaga Plazaraino; bertan ekitaldi bat egingo dute.


Kanal honetatik interesatuko zaizu: Hispanitatearen eguna
2021-10-13 | ARGIA
Lemoako Udalak ez du Lemoatx mendiko gurutze frankista berriz altxatuko

Astelehenean eraitsi zuen Ernai gazte antolakundeak Lemoatx tontorreko gurutze frankista. Udalak adierazi duenez ez dute berriro altxatuko, Memoria Historikoaren Legea urratzen zuenez haren eraistea aurreikusita baitzegoen.


2021-10-12 | ARGIA
Hispanitatearen egunaren bezperan Lemoatxako ikur frankista bota du Ernaik

1936ko altxamendu militarretik 85 urtera "faxismoari gorazarre egitea zilegi" dela salatu du gazte antolakundeak. Urriaren 12an eskualdeko mobilizazioak antolatu ditu "bizitzak erdigunean jartzen dituen independentismoa" eraikitzeko.


Eguneraketa berriak daude