Al-Assaden ehunka jarraitzaile eta zibil hil ditu Siriako armadak, “mendeku gisa”
Giza Eskubideen Siriako Behatokiak salatu du gobernuko indarrek gutxienez 800 zibil hil dituztela Latakia probintzian, "odol hotzean". Ahmed al Sharaa Siriako behin-behineko presidenteak iragarri du "batzorde independente" bat eratuko dutela gertatutakoa ikertzeko eta erantzuleak "epaitegi militarretara" bidaltzeko.
.jpg)
aurre egingo dieten hedabide independenteak
Hiru hilabete bete dira HTS Sortaldea Askatzeko Erakundeak abiatutako ofentsibak Baxar al-Assad Siriako presidente ohia (2000-2024) boteretik kendu zuenetik. Ahmed al Sharaak HTS koalizioaren buruak –Abu Mohamed al Julani zuen guda izena– hartu zuen bere lekukoa, eta herrialdeko behin-behineko presidente gisa eduki zuen lehen hitzartzean adierazi zuen siriarrak "nekatuta zeudela" borrokatzeaz, eta herrialdea osatzen duten "etnia ezberdinen arteko batasunera" deitu zuen.
Ostegunetik hasita, ordea, al-Assad-en jarraitzaileek osatutako hainbat miliziek Siriako armadaren aurkako erasoak egin dituzte herrialdeko kostaldeko Latakia probintzian, eta erantzun gogorra izan dute: Giza Eskubideen Siriako Behatokiak argitaratutako ohar baten arabera, gobernuko indarrek gutxienez 1.311 –830 zibil tartean– pertsona exekutatu dituzte azken egunetan, "mendeku gisa eta odol hotzean". Siriako hegoaldeko probintzia horretan bizi dira herrialdeko musulman alaui gehienak; biztanleen %13 dira musulman xiiten adar horretakoak, tartean al-Assad presidente ohia.
Agintari berriek eskatutakoaren kontrara, al-Assaden jarraitzaile ugarik ez dituzte armak entregatu, eta abenduaz geroztik eraso ugari egin dituzte Siriako boterea bereganatu duten matxino islamisten aurka: iazko abenduaren 25ean, esaterako, hamalau polizia hil zituzten segada batean, Tartus eskualdeko herrixka batean –hori ere alauiak gehiengoa diren Siriako hegoaldeko probintzia da–.
NBEko Segurtasun Kontseilua martxoaren 10ean bilduko da Siriako kostaldeko gertakariez hitz egiteko, hainbat estatukidek eskatuta "larrialdi bilera" batera deitu ostean. Giza Eskubideen Nazio Batuen Goi Mandatariaren bozeramaile Volker Turkek bart adierazi du informazio "beldurgarriak" jaso dituztela Siriako armadak eginiko hilketen inguruan: "Familia osoak eta errugabeak hil dituzte. Behin-behineko agintariek berehalako neurriak ezarri behar dituzte siriarrak babesteko, eta erasoen erantzuleak epaitu".
"Batzorde independente" bat eratuko du Siriako Gobernuak
Siriako behin-behineko gobernuak ostiralean kaleratutako bideo batean, al Sharaak "delitu barkaezinak" egitea egotzi zien al-Assad presidente ohiaren jarratzaileei: "Siria babesten duten horien aurka oldartu zarete, eta armak itzuli behar dituzue berandu baino lehen". Herrialdeko behin-behineko presidenteak larunbatean zabaldutako ohar batean jakinarazi zuen Siriako Defentsa Ministerioak "batzorde independente" bat sortuko duela Latakiako hilketak ikertzeko, eta gobernuaren aginduei jaramon egin ez dieten soldaduak "epaitegi militarretara" eramango dituztela ohartarazi.
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Israelek Iranen aurka orain arte egindako aire eraso gogorrena egin du ostiral goizaldean, Leon operazioa-rekin. Erasoan, Israelgo Armadako 200 bat gerra hegazkinek hartu dute parte eta kalte handiak eragin dituzte Iraneko nuklear programa garatzeko eta misil balistikoak... [+]
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]