Aita Mari ontzia Pozallon lehorreratu da
Lur hartu dute barruan zioazen 78 migratzaileek, eta orain horiek herrialdeka banatzeko prozesua abiatuko da. Open Arms ontzia ere lehorreratu da Taranton (Italia).
Ostegunean erreskatatu zituen 78 migratzaile Aita Mari ontziak, eta asteartean lortu dute Europara iristea. Astelehenean jaso zuen Italian lehorreratzeko baimena, baina itsasoa zakar zegoenez, ezin izan du asteartera arte porturatu.
Sizilia uharteko Pozallon ainguratu dute ontzia. Bertan zetozen 78 migratzaileetatik 13 adin txikikoak dira, eta haurdun bat ere bada tartean. Hainbat dira osasun egoera kaskarrean porturatutakoak.
Italian lur hartu duten honetan, laster hasiko da migratzaileak herrialdeka banatzeko prozesua. Espainiak, Frantziak, Italiak, Alemaniak eta Maltak migratzaileak hartuko dituztela, hitza eman dute. Eusko Jaurlaritzak ere agertu du horietako zenbait hartzeko konpromisoa, nahiz eta ez zehaztu zenbat.
Aita Mari ontziarekin elkarlanean ari den Open Arms ontzia ere asteartean lehorreratu da, Italian hau ere, herrialdearen hegoaldeko Tarantoko portuan. 73 pertsona zeramatzan barruan, baina astelehenean horietako hamaika atera behar izan zituzten, “premiazko ebakuazioan”.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]