Aieteko adierazpenari babesa eman diote Latinoamerikako 18 buruk. Tartean, 13 presidente ohi eta goi karguak edukitako hainbat pertsona daude.
“Kontinente bezala sustatzen dugu prozesu hau”, esan du Miguel Alvarezek, Serapaz bakearen aldeko taldeko kideak, Mexiko Hirian egindako ekitaldian. Adierazi duenez, bertaratutako guztiek uste dute Aieteko akordioak fase baten “hasiera eta amaiera” zehazten dituela.
Euskal Herriari buruz antolatutako ekitaldian, Espainiako Gobernuarekin haserre azaldu dira nazioarteko 18 liderrak: gatazka “blokeo” egoeran mantentzea egozten diote.
Colombianos y Colombianas por la Paz taldeko kide Danilo Rueda Euskal Herriak bakearen alde egin duen erabakiaz mintzo da: “Herriak bakearen aldeko apostua egin du, haren eskubideak urratu arren, eta bestaldean solaskide bideragarririk ez dagoen arren. Ez dago keinu bat, ezta seinale minimorik ere”.
Konponbiderako deia luzatu du ere Nazioarteko Harreman Taldeko Alberto Spektorowskik: “Gatazka konpontzea ez da galtzaile eta irabazleen arteko kontu bat”.
Lokarriko Paul Riosek azpimarratu du euskal herritarren gehiengoa bakearen alde dagoela, baina Espainiako Gobernuak ez diola “jaramonik egiten”.
Sinatzaile ezkertiar eta eskuindarrak
Esparru ideologiko zabaleko buruzagiek egin dute Aieteko adierazpenaren aldeko aldarria.
Hauek dira 13 presidente ohiak: Guatemalako Vinicio Cerezo eta Alvaro Colom; Boliviako Carlos Mesa eta Jaime Paz Zamora; Ekuadorreko Rodrigo Borja; Costa Ricako Oscar Arias; Txileko Ricardo Lagos; Kolonbiako Ernesto Samper, Belisario Betancur eta Cesar Gaviria; Paraguaiko Fernando Lugo eta Juan Wasmony; eta Uruguaiko Julio Sanguinetti;
Gainontzeko bost sinatzaileak honakoak dira: Txileko hezkuntza sailburu ohi Jorge Tapua; Txileko Kooperazio ministro ohi Luis Maita; UNESCOko zuzendari ohi Fernando Mayor Zaragoza; Nikaraguako Kanpo arazoetako sailburua; eta Uruguaiko lehen dama Lucia Topolansky.
Adierazpena egin du euskal ezker independentistak, Aieteko Adierazpenaren eta ETAren indarkeriaren amaieraren 10. urteurrena dela-eta. Arkaitz Rodriguezek eta Arnaldo Otegik irakurri dituzte hausnarketak. ETAren indarkeriak eragindako biktimei aipamen berezia egin diete, eta... [+]
Urriaren 17an hamar urte bete dira, Aieteko bake konferentzia egin zenetik. Urteurrenaren harira nazioarteko jardunaldiak antolatu dituzte, ostegunean Donostiako Aieteko jauregian hasi eta larunbatean Baionako Henri Grenet aretoan amaituko dira. Giza eskubide eta bake... [+]
Urriaren 17an beteko dira Euskal Herriko Gatazka Konpontzeko Nazioarteko Konferentzia egin zela Aieteko jauregian, Donostian. Urteurren horren kari, nazioarteko jardunaldiak antolatu dituzte hainbat eragilek, "bakeak Euskal Herrian eta mundu zabalean dituen erronkei... [+]
Foro Sozial Iraunkorrak ekitaldia antolatu zuen asteartean, urriaren 17an, Aieteko Nazioarteko Konferentziaren seigarren urteurrena dela eta. Bake prozesuan emandako aurrerapausoak eta etorkizunean landu beharreko erronkak finkatu zituzten. ETAren urrats batek lukeen garrantzia... [+]