AHTren hiriburuetarako sarbideak eta Bergarako lotunea aldi berean egitea nahi du Jaurlaritzak

  • 2017 amaieran garraio azpiegitura erraldoiaren zati horiek definituta eta esleituta edukitzea eskatuko diote Espainiako Gobernuari Tapia sailburuak eta hiriburuetako alkateek.

Urko Apaolaza Avila @urkoapaolaza
2016ko abenduaren 27a
AHTren obretan lan istripu ugari izan da. Irudian, Arrasaten 2012an langile bat hil zen tokia (Arg.: Goiena)

Abiadura handiko obrak iragarri dituzte EAJren menpe dauden administrazioek, AHTri oraindik geratzen zaizkion zatiak amaitzeko. Arantxa Tapia Eusko Jaurlaritzako Ekonomia Garapen eta Azpiegituretako sailburua eta Eneko Goia, Gorka Urtaran eta Juan Maria Aburto Donostia, Gasteiz eta Bilboko alkateak Euskal Y-az hitz egiteko bildu dira, Espainiako Sustapen ministro berriak, Iñigo de la Sernak, lan horien inguruan izandako jarrera aldaketaren ondoren.

De la Sernak kontratu berriak esleitzeko konpromisoa hartu du, eta arrazoi ekonomikoengatik orain arte geldirik zeuden zenbait zati eta proiekturi ekiteko atea zabaldu du. Hala, Azpiegituretarako sailburuak eta alkateak ministroarekin bildu nahi dute, hiriburuetako sarbideak 2017a baino lehen “definituta” gera daitezen.

Eusko Jaurlaritzak aspaldi jo du ezinezkotzat hitz emanda bezala AHT 2019an amaitzea, baina galdutako denboraren zati bat berreskuratu nahi du egoera berria baliatuta, eta eskatu du Bergarako lotunea eta hiriburuetako sarbideen lan erritmoak “parekatzea”. Horretarako egitasmoa “ahalik eta azkarren” lotu nahi dute Espainiako Gobernuarekin.

Gain-kostua eta presa: bi osagai lan baldintzak kaskartzeko

AHTren lanek egun 263 milioi euroko gain-kostua dute (Eldiarionorte.es-ek egindako kalkuluaren arabera) eta guztira 1.800 milioi eurotik gora gastatzea dago aurreikusita. Bergarako lotuneko zatietan enpresek oso beherantz jo zuten esleipenerako lehiaketan aurkezturiko aurrekontua, baina gero “arrazoi teknikoak” medio kostua asko igo zuten, ondorioz Espainiako Gobernuak gelditu egin zituen obrak. Orain, berriz ere martxan jarriko ditu beste kontratu baten bidez.

Obretako kostuetan gorabehera handiak eta lanak amaitzeko presa; AHTren lanei eragingo dien osagai garrantzitsuak bihurtu dira biak. ELA sindikatuak behin baina gehiagotan salatu izan du auzitegietan trenbidea egiten ari diren langileek jasaten dituzten lan baldintza eskasak, erritmo “esajeratu” eta gehiegizko lan-orduekin, kasu askotan egunean 12 ordutik gorakoak. AHTko obretan gutxienez zazpi lagun hil dira lan-istripuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abiadura Handiko Trena  |  Prekarietatea

Abiadura Handiko Trena kanaletik interesatuko zaizu...
2019-03-11 | ARGIA
Frantzia eta Italia arteko Lyon-Turin AHTa krisian: Italiak obren lehiaketa atzeratu du

Italiako gobernuak atzeratu egin du Lyon eta Turin Alpeak zeharkatuz lotuko lituzkeen Abiadura Handiko Trenbide berrirako obren lehiaketa. Tirabira handiak daude Erromako gobernua osatzen duten bi alderdien artean eta oraingoz azken erabakia atzeratzearekin moldatu dute krisia.


2019-03-01 | Mikel Asurmendi
Abiadura Handiko Trenak bide-gaitza du Bidasoan

TAV eta LGV bi sigla eta erran-nahi bera: Abiadura Handiko Trena (AHT). Irun-Hendaia-Hondarribian, ataka gaitza dauka proiektuak. Trena Akitanian beheiti aise heldu da, Baionatik beheiti nekez, eta Bidasoan, artean gauzatu gabe. Obraren gauzapena motel garatzen ari da.


Tren sozialaren alde kaleak bete dituzte Tafallan

Tren sozial baten alde! AHTrik ez! leloa zabaldu zuten, Erdi Aldea Trenaren Alde taldeak antolatuta.Trenbideak hobetuta, abiadura handikorik egin gabe, zerbitzu ona eman daitekeela argudiatu zuten.


2019-02-14 | ARGIA
AHTaren aurkako manifestazioa egingo dute Tafallan larunbatean

Abiatu Handiko Trenbideetan minutuko bateko denbora aurrerapenak 369 milioi euro balio du. Europako Kontuen Ganberak AHTko europar sareaz 2018an egindako txostenaren ondorioetako bat da hori. Aholkuen artean ganberak azpimarratzen zuen hobe zela dirua inbertitzea ohiko trenbideak hobetzen.


2019-02-06 | Guaixe .eus
AHTren kontrako mezua Bruselara eraman dute

Araba eta Nafarroan proiektatu dituzten Abiadura Handiko Tren (AHT) egitasmo berrien aurkako plataforma herritarren ordezkaritza bat Bruselan dago, Sakanako tren sozialaren aldeko taldeko kideak barne. Europako Parlamentuko agintariekin informazio eta aldarrikapenak elkartrukatzea da asmoa.


2019-01-15 | Hala Bedi
Protestara deitu du AHT-rik Ez Lautada Plataformak Espainiako Sustapen Ministroaren bisita dela eta

José Luis Ábalos, Espainiar Gobernuko Sustapen Ministroa, Gorka Urtaran alkatearekin eta Eusko Jaurlaritzako ordezkari ezberdinekin bilduko da ostegunean, Gasteizen tren lurperatzeari eta Abiadura Handiko Trenari buruz hitz egiteko.


Urbinako segadak 10 urte
Izua AHTren zero kilometroan

2009ko urtarrilaren 17an, Arabako Urbina kontzeju txikia tiro eremu bihurtu zen. Ertzaintza gogor oldartu zitzaien AHT-ren kontrako manifestariei: dozenaka lagun zauritu eta beste hainbat Espainiako Auzitegi Nazionalaren esku utzi nahi izan zituen. Desobedientzia zibila kriminalizatzeko kapitulu hura Eusko Jaurlaritzako Barne Saileko liburu beltzean geratuko da betiko.


2018-12-28 | ARGIA
Bordele eta Hendaia artean ez bide da AHT berria ibiliko

Frantziako Gobernuak lehenetsi du Bordele eta Hendaiaren arteko bidea berritzea, LGV delakoa (abiadura handiko trena) bertatik ibil dadin baino.


2018-11-19 | ARGIA
AHTko lan heriotzen eztabaida Eusko Legebiltzarrean: "akatsa" langileari egozten zaionean

Abiadura Handiko Treneko obretan izaten diren heriotzak saihesteko neurriak eskatu zituzten EH Bilduk eta Elkarrekin-Podemosek, ostegunean Eusko Legebiltzarrean egin zen osoko bilkuran. EAJ, PSE eta PPk, aldiz, ikuskaritzak orain arte bezala segitzearen alde egin zuten.


AHTaren obrak geldiarazteari ezetz esan dio Nafarroako Parlamentuak

Nafarroako Parlamentuak ez du onartu Abiadura Handiko Trenaren obrak geldiaraztea eskatzeko EH Bilduk aurkeztutako mozioa. Geroa Bai, UPN, PSN eta PPNren ezezko botoa jaso du mozioak; EH Bilduk, Ahal Dugu-k eta Ezkerrak, berriz, babestu egin dute. 


Azkenak
EGILEA
Eguneraketa berriak daude